టాలీవుడ్: 90 ల్లో మెగా స్టార్ చిరంజీవి హీరోగా రాఘవేంద్ర రావు దర్శకత్వంలో ‘ముగ్గురు మొనగాళ్లు‘ అనే సినిమా విడుదలై సూపర్ హిట్ గా నిలిచింది. ఇపుడు అదే టైటిల్ తో మరో సినిమా రూపొందింది. ఇది యాక్షన్ సినిమా కాకుండా కామెడీ మరియు మర్డర్ థ్రిల్లర్ గా రూపొందింది. ముగ్గురు హీరోలున్న ఈ సినిమాలో కమెడియన్ శ్రీనివాసరెడ్డి ఒక హీరోగా ఈ సినిమా రూపొందింది. దీక్షిత్ శెట్టి, రామారావు మరో రెండు హీరో పాత్రల్లో నటిస్తున్నారు. హీరోగా ‘జయమ్ము నిశ్చయమ్మురా’, ‘గీతాంజలి’, ‘జంబలకిడి పంబ’ లాంటి సినిమాల్లో మెప్పించిన శ్రీనివాస్ రెడ్డి మరోసారి హీరో పాత్రలో ఈ సినిమాలో నటిస్తున్నాడు.
ఈ రోజు ఈ సినిమా ట్రైలర్ విడుదల చేసారు. ఈ సినిమాలో ముగ్గురు హీరోలు ఒకరు గుడ్డి వారిగా, ఒకరు చెవిటి వారిగా, ఒకరు మాటలు రాని వారిగా నటిస్తున్నారు. సిటీ లో జరిగిన ఒక రాజకీయ నాయకుడి హత్య నేపథ్యం లో ఈ సినిమా రూపొందింది. ఆ నాయకుడి హత్య తాలూకు విచారణ లో ఈ ముగ్గురు హీరోలు పోలీస్ డిపార్ట్మెంట్ కి సహకరించే పాత్రల్లో నటిస్తున్నారు. ఈ ముగ్గురికి ఉన్న లోపాన్ని బేస్ చేసుకుని కామెడీ బాగానే జెనెరేట్ చేసినట్టు ట్రైలర్ చూస్తే తెలుస్తుంది. దీనితో పాటు మర్డర్ ఇన్వెస్టిగేషన్ కూడా థ్రిల్లింగ్ గా ఉన్నట్టు అర్ధం అవుతుంది. అభిలాష్ రెడ్డి అనే దర్శకుడు ఈ సినిమాతో పరిచయం అవుతున్నాడు. చిత్ర మందిర్ స్టూడియో మరియు మధుర ఆడియో సమర్పణలో పి. అచ్చుత రామారావు ఈ సినిమాని నిర్మిస్తున్నారు.
