టాలీవుడ్: చిన్న చిన్న పాత్రలతో కెరీర్ ప్రారంభించి ఇండివిడ్యుయల్ హీరోగా తనకంటూ ప్రత్యేక గుర్తింపు తెచ్చుకున్న హీరో శ్రీ విష్ణు. పోయిన సంవత్సరం విడుదలైన ‘బ్రోచేవారెవరు రా’ సూపర్ సక్సెస్ తర్వాత వరుసగా సినిమాలు చేసుకుంటూ ముందుకు వెళ్తున్నాడు. తన ఇన్నోసెంట్ అక్టింగ్ తో పాటు మంచి కథలని ఎంచుకుంటూ సినిమా సినిమాకి వైవిధ్యం చూపిస్తున్నాడు. ప్రస్తుతం ఈ హీరో ‘రాజ రాజ చోర’ మరియు అనిల్ రావిపూడి నిర్మాణంలో ‘గాలి సంపత్’ అనే రెండు సినిమాల్లో నటిస్తున్నాడు. ఈ రెండింటితో పాటు మరో సినిమా కూడా చెయ్యబోతున్నాడు.
ఈ హీరో ప్రస్తుతం మరొక సినిమా షూటింగ్ మొదలు పెట్టాడు. లక్కీ మీడియా బ్యానర్ పైన ఈ సినిమా రూపొండుతుంది. ‘హుషారు’, ‘సినిమా చూపిస్త మావ’, ‘ప్రేమ ఇష్క్ కాదల్’,’ మేం వయసుకు వచ్చాము’ లాంటి సినిమాలని రూపొందించిన లక్కీ మీడియా బ్యానర్ పైన బెక్కం వేణుగోపాల్ ఈ సినిమాని నిర్మిస్తున్నాడు. ప్రదీప్ వర్మ అల్లూరి ఈ సినిమాకి దర్శకత్వం వహించబోతున్నాడు. హర్ష వర్ధన్ రామేశ్వర్ ఈ సినిమాకి సంగీతం అందించబోతున్నాడు. ఈ సినిమా షూటింగ్ కి గౌరవ అతిధి గా ‘నారా రోహిత్’ విచ్చేసి బెస్ట్ విషెస్ తెలియచేసాడు. ఈ సినిమా గురించి మరిన్ని వివరాలు కొద్దీ రోజుల్లో తెలియనుంది.