మూవీడెస్క్: దర్శకుడు రాజమౌళి మహేష్ బాబుతో కలిసి SSMB29 అనే భారీ పాన్ ఇండియా ప్రాజెక్ట్ చేయబోతున్న విషయం తెలిసిందే.
ఈ సినిమా 2025లో సెట్స్ పైకి వెళ్ళబోతోంది. భారీ బడ్జెట్ తో తెరకెక్కుతున్న ఈ చిత్రానికి 1000 కోట్లకు పైగా ఖర్చు అవుతుందని టాక్.
ప్రీప్రొడక్షన్ పనుల్లో ఉన్న ఈ ప్రాజెక్ట్ కోసం రాజమౌళి టీమ్ క్యాస్టింగ్ ఫైనల్ చేసే పనిలో నిమగ్నమై ఉన్నారు.
హాలీవుడ్ నటులు ఈ ప్రాజెక్ట్ లో భాగమవుతారని వినికిడి. అయితే ఇప్పుడు సినిమా వర్గాల్లో ఒక ఆసక్తికర టాక్ వినిపిస్తోంది.
ప్రముఖ దర్శకుడు సందీప్ రెడ్డి వంగా ఈ ప్రాజెక్ట్ లో రాజమౌళి టీమ్ లో భాగమవుతారా అనే ఊహాగానాలు చెలరేగుతున్నాయి.
ఆర్ఆర్ఆర్ సినిమా ప్రమోషన్ల సమయంలో సందీప్ రెడ్డి, రాజమౌళిని కలుసుకుని మీ తదుపరి ప్రాజెక్ట్ లో సెట్ లో పాల్గొని నేర్చుకునే అవకాశం ఇవ్వండి అని కోరారు.
రాజమౌళి ఈ రిక్వెస్ట్ పై సానుకూలంగా స్పందించారు.
ఇప్పుడు, ఈ ప్రాజెక్ట్ సెట్స్ పైకి వెళ్లినప్పుడు సందీప్ రెడ్డి కూడా సెట్ లో చేరే అవకాశం ఉందని భావిస్తున్నారు.
సందీప్ ప్రస్తుతం ప్రభాస్‌తో స్పిరిట్ చిత్రాన్ని తెరకెక్కిస్తున్నారు.
షూటింగ్ టైంలో గ్యాప్ తీసుకుని ఈ ప్రాజెక్ట్ లో రాజమౌళి టీమ్ లో చేరుతారా అనేది చూడాలి.