హైద‌రాబాద్‌: ప్ర‌ముఖ ద‌ర్శ‌కుడు ఎస్ఎస్ రాజ‌మౌళి దర్శకత్వంలో సూప‌ర్‌స్టార్ మ‌హేశ్ బాబు హీరోగా ఓ భారీ సినిమా తెర‌కెక్క‌నున్న విషయం తెలిసిందే. ‘SSMB29’ అనే టైటిల్‌తో ప్ర‌చారంలో ఉన్న ఈ ప్రాజెక్టు తాజాగా పూజా కార్య‌క్ర‌మం జ‌రుపుకున్న‌ట్టు సమాచారం.
హైద‌రాబాద్‌లో గురువారం ప్రైవేట్‌గా ఈ సినిమా ప్రారంభ వేడుక జ‌రిగినట్టు తెలుస్తోంది.
ఈ కార్యక్రమానికి మ‌హేశ్ బాబు కుటుంబం, రాజ‌మౌళి కుటుంబంతో పాటు ప‌లువురు సినీ ప్రముఖులు హాజ‌రైన‌ట్టు సమాచారం.
జ‌క్క‌న్న దర్శకత్వం కోసం మ‌హేశ్ బాబు కొత్తగా మేకోవ‌ర్ చేసిన‌ట్లు తెలుస్తోంది.
పొడవాటి జుట్టు, గ‌డ్డంతో ఉండే ర‌గ్‌డ్ లుక్‌లో ఆయన కనిపించటంతో అభిమానులు ఉత్సాహంగా ఉన్నారు.
చాలా రోజుల తర్వాత మ‌హేశ్ బాబును ఈ కొత్త అవతారంలో చూడ‌డం విశేషం అవుతుంద‌ని ఫ్యాన్స్ అనుకుంటున్నారు.
ఈ సినిమా యాక్ష‌న్ అడ్వెంచ‌ర్‌గా ఉండ‌బోతోంద‌ని కథా రచయిత విజయేంద్ర ప్రసాద్ తెలిపారు.
భారీ బ‌డ్జెట్‌తో రూపొంద‌నున్న ఈ ప్రాజెక్టులో హాలీవుడ్ టెక్నీషియ‌న్స్ కూడా పనిచేయ‌నున్నారు.
ఈ చిత్రాన్ని దుర్గా ఆర్ట్స్ బ్యానర్‌పై ప్ర‌ముఖ నిర్మాత కేఎల్ నారాయణ నిర్మిస్తున్నారు.
సంగీతానికి ఆస్కార్ అవార్డు విజేత ఎంఎం కీరవాణి బాధ్యతలు చేపట్టారు.