మూవీడెస్క్: 2025 సమ్మర్ సమ్మర్ బరిలో స్టార్ హీరోలు తమ సినిమాల రిలీజ్ డేట్లను ఫిక్స్ చేసుకున్నారు.
ఈ లైనప్ చూస్తుంటే, టాలీవుడ్ అభిమానులకు నిజంగా పండగే. మొదటగా, పవన్ కళ్యాణ్ హరిహర వీరమల్లు సినిమాతో మార్చి 28న సమ్మర్ బరిలోకి దిగనున్నారు.
ఇది అత్యంత ఆసక్తిగా ఎదురుచూస్తున్న పాన్ ఇండియా చిత్రం. మరొకవైపు, ప్రభాస్, మారుతి కాంబినేషన్‌లో రూపొందుతోన్న ది రాజాసాబ్ ఏప్రిల్ 10న విడుదలకు సిద్ధమవుతోంది.
రౌడీ స్టార్ విజయ్ దేవరకొండ తన VD12 సినిమాను సమ్మర్ రేసులోకి తీసుకురావాలని చూస్తున్నాడు.
అయితే, ఇది పవన్ సినిమాకు పోటీగా మార్చి 28న విడుదల కాకపోవచ్చు. మేలో మాత్రం ప్రేక్షకుల ముందుకి తీసుకురావడం ఖాయమని సినీ వర్గాలు చెబుతున్నాయి.
అంతేకాక, నాని హీరోగా రూపొందుతోన్న హిట్ 3 సినిమా మే 1న విడుదల కానుంది. రాకింగ్ స్టార్ యష్ టాక్సిక్ సినిమా కూడా ఏప్రిల్ 10న రిలీజ్ కాబోతోంది.
శేఖర్ కమ్ముల దర్శకత్వంలో ధనుష్, నాగార్జున కాంబినేషన్‌లో తెరకెక్కుతోన్న కుభేర కూడా సమ్మర్ విడుదలకు రంగం సిద్ధం చేసుకుంటోంది.
మొత్తానికి 2025 సమ్మర్ సీజన్ టాలీవుడ్ ప్రేక్షకులకు ఒక మూవీ ఫెస్టివల్ తరహాలో ఉండనుంది.