మూవీడెస్క్:సాయి రాజేష్ దర్శకత్వంలో వైష్ణవి చైతన్య ప్రధాన పాత్రలో వచ్చిన బేబీ మూవీ టాలీవుడ్‌లో భారీ విజయాన్ని అందుకున్న విషయం తెలిసిందే.
వైష్ణవికి ఈ సినిమా కెరీర్ టర్నింగ్ పాయింట్‌గా నిలిచింది. 100 కోట్లకు పైగా కలెక్షన్స్ రాబట్టిన ఈ చిత్రం యూత్ మరియు ఫ్యామిలీ ఆడియన్స్‌ను బాగా ఆకట్టుకుంది.
తెలుగులో విపరీతమైన క్రేజ్ సంపాదించిన ఈ చిత్రాన్ని హిందీలో రీమేక్ చేయడానికి ప్రయత్నాలు మొదలయ్యాయి.
సాయి రాజేష్ దర్శకత్వంలోనే హిందీ రీమేక్ తెరకెక్కనుండగా, ఎస్ కె ఎన్ నిర్మాతగా ఉంటారని సమాచారం.
ఈ సినిమాలో హీరోగా ఇషాన్ కట్టర్, ఆర్యమన్ డియోల్, అగస్త్య నంద వంటి బాలీవుడ్ స్టార్ కిడ్స్ పేర్లు పరిశీలించినప్పటికీ, చివరికి ఇర్ఫాన్ ఖాన్ తనయుడు బబిల్ ఖాన్ ఈ ప్రాజెక్ట్ కోసం ఫైనల్ అయినట్లు టాక్.
తన తండ్రి తరహాలోనే విలక్షణ నటుడిగా గుర్తింపు పొందాలనే ఆశతో బబిల్ ఈ ఛాన్స్‌ను అందుకున్నట్లు తెలుస్తోంది.
మరోవైపు, హీరోయిన్ పాత్ర కోసం మొదట ఖుషి కపూర్‌ను అనుకున్నా, ప్రస్తుతం కృతి శెట్టిని ఫైనల్ చేసే ప్రయత్నాలు జరుగుతున్నాయి.
ఆమె పాత్రకు సంబంధించిన అధికారిక ప్రకటన త్వరలో వెలువడనుంది. తెలుగులో వైష్ణవి చైతన్య అందించిన అద్భుత ప్రదర్శన సినిమాకు కీలకమైనది.
ఆ స్థాయిలో కృతి శెట్టి బాలీవుడ్ ప్రేక్షకులను ఆకట్టుకుంటుందా అనేది ఆసక్తికరంగా మారింది.
ఈ ప్రాజెక్ట్‌తో సాయి రాజేష్ హిందీ ఇండస్ట్రీలోకి అడుగుపెడుతుండటం విశేషం.
తెలుగులో సందీప్ రెడ్డి వంగా చేసినట్లు, సాయి రాజేష్ కూడా హిందీ సినిమా ప్రేక్షకులపై తన ముద్ర వేస్తాడా అనేది చూడాలి.
‘బేబీ’ హిందీ రీమేక్ యూత్‌ను ఎంతవరకు కనెక్ట్ చేస్తుందో వేచిచూడాలి.