టాలీవుడ్ హీరో సుధీర్ బాబు కెరీర్ ప్రారంభం నుంచే వైవిధ్యమైన సినిమాలు చేస్తూ ప్రత్యేక గుర్తింపు పొందారు. రిజల్ట్ తో సంబంధం లేకుండా వరుసగా కొత్త ప్రాజెక్టులలో నటిస్తూ ప్రేక్షకులను అలరిస్తున్నారు. ఇటీవల ‘హరోం హర’ సినిమాలో తన మాస్ యాంగిల్‌ను చూపించి, ప్రేక్షకుల నుంచి మంచి స్పందన పొందారు.
ఈ సినిమాలో ఆయనకు ‘నవ దళపతి’ అనే ట్యాగ్ ఉపయోగించారు. అప్పటి నుంచి అభిమానులు ఈ పేరుతో సుధీర్ బాబును పిలుస్తున్నారు. తాజాగా, తన అప్ కమింగ్ మూవీ ‘మా నాన్న సూపర్ హీరో’ ప్రెస్ మీట్ లో, ఈ ట్యాగ్ గురించి ఆయన క్లారిటీ ఇచ్చారు.
“హరోం హర సినిమా దర్శకుడు చివర్లో నా పేరు ముందు ‘నవ దళపతి’ ట్యాగ్‌ను యాడ్ చేస్తామని చెప్పారు. నాకు అభ్యంతరం లేదని, ప్రేమతో పెట్టిన ట్యాగ్‌ని ఎందుకు తిరస్కరించాలి అనిపించింది” అని సుధీర్ బాబు అన్నారు.
తనకు ఏ పేరుతో పిలిచినా ఫర్వాలేదని, అభిమానులు ఇచ్చిన పేర్లను గౌరవంతో స్వీకరిస్తానని తెలిపారు. “హీరోలకే ట్యాగ్‌లు ఉండాలా?” అని సరదాగా అన్నారు. ఇక ‘మా నాన్న సూపర్ హీరో’ సినిమా రిలీజ్ కు సిద్ధమవుతోంది, అటుపై ‘జటాధర’లో న్యూ లుక్ తో సుధీర్ బాబు మరోసారి అలరించనున్నారు.