మూవీడెస్క్: టాలీవుడ్ మెగా హీరో రామ్ చరణ్ ప్రధాన పాత్రలో శంకర్ దర్శకత్వంలో రూపొందిన గేమ్ చేంజర్ సినిమా విడుదలకు సిద్ధమవుతోంది.
సంక్రాంతి కానుకగా జనవరి 10న ప్రేక్షకుల ముందుకు రానున్న ఈ సినిమా పై భారీ అంచనాలు ఉన్నాయి.
రామ్ చరణ్ ఆర్ఆర్ఆర్ తర్వాత చేస్తున్న సోలో ప్రాజెక్ట్ కావడంతో, ఫ్యాన్స్ ఈ సినిమాపై ప్రత్యేక ఆసక్తి చూపిస్తున్నారు.
మేకర్స్ ఇప్పటికే సాంగ్స్, టీజర్ విడుదల చేయగా, వాటికి విశేష స్పందన వచ్చింది.
కానీ సినిమా విడుదలకు కేవలం 13 రోజులే ఉన్నప్పటికీ ట్రైలర్ అప్డేట్ ఇవ్వకపోవడంతో ఫ్యాన్స్ ఆందోళన వ్యక్తం చేస్తున్నారు.
ఈ క్రమంలో ఒక అభిమాని తన అసహనాన్ని సూసైడ్ లెటర్ ద్వారా సోషల్ మీడియాలో వ్యక్తపరిచాడు.
డిసెంబర్ చివరికి లేదా న్యూ ఇయర్ నాటికి ట్రైలర్ విడుదల చేయకపోతే ఆత్మహత్య చేస్తానని లేఖ రాశాడు.
ఈ లేఖ వైరల్ అవ్వడంతో చిత్ర బృందం స్పందించింది.
ఫ్యాన్స్ ఇలాంటి చర్యలు చేయడం మానసిక ఆరోగ్యంపై తీవ్ర ప్రభావం చూపిస్తుందని, బ్లాక్ మెయిల్ చర్యలను ఎప్పటికీ సమర్థించలేమని స్పష్టం చేసింది.
గేమ్ చేంజర్ ట్రైలర్ విడుదలకు సంబంధించి, థియేట్రికల్ రిలీజ్‌కు ఐదు రోజుల ముందు విడుదల చేసే అవకాశం ఉందని ఇండస్ట్రీ వర్గాలు చెబుతున్నాయి.
ఇలాంటి ఆవేశపూరిత చర్యలు హీరోలను, చిత్ర బృందాన్ని కూడా ఆందోళనలో పడేస్తాయని నెటిజన్లు అభిప్రాయపడుతున్నారు.
అభిమానులు తమ అభిమానం హద్దులలోనే ఉంచుకోవాలని సూచిస్తున్నారు.