టాలీవుడ్: అక్కినేని ఫామిలీ నుండి వచ్చిన హీరో సుమంత్ ప్రస్తుతం ఒక పోలీస్ ఆఫీసర్ గా మన ముందుకు రాబోతున్నాడు. సుమంత్ నటించిన ‘కపటధారి’ అనే సినిమాకి సంబందించిన ట్రైలర్ ఈరోజు విడుదలైంది. కన్నడలో విడుదలై సూపర్ హిట్ సాధించిన ‘కవుల్దారి’ అనే సినిమాకి రీమేక్ గా ఈ సినిమా రాబోతుంది. ట్రైలర్ లో కంటెంట్ ఆకట్టుకుంది. ఒక ట్రాఫిక్ పోలీస్ గా పని చేసే హీరో మెట్రో కోసం పిల్లర్లు తవుతున్నప్పుడు ఎప్పుడో పాతి పెట్టిన శవాల తాలూకు ఎముకలు దొరకడం తో వాటి మూలాల కోసం వెతుకుతూ ఉంటాడు. ఆ వేట లో ఎంత మందిని కలుస్తాడు , ట్రాఫిక్ పోలీస్ కి ఇన్వెస్టిగేషన్ లో ఎంత వరకు సపోర్ట్ లభిస్తుంది లాంటి అంశాలు ట్రైలర్ లో చూపించారు.
ట్రైలర్ వరకు ఆద్యంతం ఇంట్రెస్టింగ్ గా అనిపించింది. లవ్ స్టోరీస్, మాస్ సినిమాలు చేసే సుమంత్ కి ఇలాంటి సినిమా చేయడం ఇదే మొదటిది. ఈ సినిమాలో సుమంత్ కి జోడీ గా ‘నందిత శ్వేతా’ నటిస్తుంది. నాజర్, జయప్రకాశ్, సుమన్, వెన్నెల కిశోరె, సంపత్ మరికొన్ని పాత్రల్లో ఈ సినిమాలో నటిస్తున్నారు. క్రియేటివ్ ఎంటెర్టైనెర్స్ బ్యానర్ పై జి.ధనంజయన్ మరియు లలిత ధనంజయన్ ఈ సినిమాని నిర్మించారు. ప్రదీప్ కృష్ణమూర్తి ఈ సినిమాకి దర్శకత్వం వహించారు. అన్ని హంగులు పూర్తి చేసుకుని మరి కొన్ని రోజుల్లో ఈ సినిమాని విడుదల చేయడానికి సన్నాహకాలు జరుగుతున్నాయి.