టాలీవుడ్: అక్కినేని హీరోగా కెరీర్ ప్రారంభించి అడపా దడపా హిట్లు కొడుతూ సినిమాలు చేస్తున్నాడు సుమంత్. ‘మళ్ళీ రావా‘ సినిమాతో డీసెంట్ హిట్ కొట్టి మెల్ల మెల్ల గా సినిమాలు చేయడం పెంచాడు. ఈ మధ్యనే కపటదారి అనే రీమేక్ సినిమాలో నటించాడు. సినిమా అంతగా ఆకట్టుకోలేకపోయింది. ప్రసుతం మరో రొమాంటిక్ కామెడీ జానర్ సినిమాతో రానున్నాడు. ఈ సినిమా ఫస్ట్ లుక్ మరియు టైటిల్ రివీల్ చేసారు. ‘మళ్ళీ మొదలైంది’ అనే టైటిల్ తో ఈ సినిమా ఫస్ట్ లుక్ కూడా విడుదల చేసారు. ఫస్ట్ లుక్ పోస్టర్ లోనే దాదాపు కంటెంట్ రివీల్ చేసారు. రిలేషన్ షిప్ లో ఉన్న ఇద్దరు వ్యక్తుల జీవితంలో పెళ్లి కు ముందు పెళ్లి చేసుకున్న తర్వాత, విడాకులు తీసుకున్న తర్వాత జరిగిన పరిణామాలు బేస్ చేసుకుని ఈ సినిమా రూపొందించినట్టు అర్ధం అవుతుంది.
ఈ మధ్యనే ఈ సినిమా నుండి విడుదలైన ఒక వెడ్డింగ్ కార్డు సోషల్ మీడియా లో ట్రెండ్ అయింది. సుమంత్ పేరు తో వెడ్డింగ్ కార్డు రావడం తో రియల్ లైఫ్ లో విడాకులు తీసుకున్న సుమంత్ రెండో సారి పెళ్లి చేసుకోబోతున్నాడు అనే వార్తలు వచ్చాయి. రామ్ గోపాల్ వర్మ కూడా తన వంతు ట్వీట్ చేసాడు. కానీ ఇదంతా సినిమా పబ్లిసిటీ అని తర్వాత అర్ధం అయింది. ఈ విషయాన్ని సుమంత్ ఒక చిన్న వీడియో బైట్ ద్వారా తెలియ చేసాడు. అది తాను నటించబోయే కొత్త సినిమా కి సంబంధించింది అని విడాకుల తర్వాత ఇద్దరు వ్యక్తులు మళ్ళీ ఎలా కలిశారు అనే కథ పైన ఈ సినిమా రూపొందించినట్టు తెలిపారు. నైనా గంగూలీ ఈ సినిమాలో హీరోయిన్ గా నటిస్తుంది. అనూప్ రూబెన్స్ సంగీతం లో టీ.జి. కీర్తి కుమార్ దర్శకత్వంలో ఈ సినిమా రూపొందింది.