భారత సంతతి వ్యోమగామి సునీతా విలియమ్స్ ఐఎస్ఎస్‌లో చిక్కుకుపోయిన విషయం అందరికీ తెలిసిందే. బోయింగ్ స్టార్‌లైనర్ ద్వారా ఎనిమిది రోజుల ప్రయోగాల కోసం వెళ్లిన సునీతా, హీలియం లీకేజీ కారణంగా వ్యోమనౌక ఆపరేషన్ రద్దయింది.
దీంతో ఆమె జూన్‌ నుంచి ఐఎస్ఎస్‌లోనే ఉంటూ, ప్రత్యేక రవాణా కోసం నిరీక్షిస్తున్నారు. ఇటీవల, నాసా స్పేస్ఎక్స్ క్రూ-9 మిషన్‌ను పంపి, సునీతా సహా మరొక వ్యోమగామి విల్‌మోర్‌ను తిరిగి తీసుకురావడానికి ఏర్పాట్లు చేసింది.
అయితే, ఈ మిషన్ ఫిబ్రవరి వరకు భూమికి తిరిగి రాలేని పరిస్థితి ఏర్పడింది, అలాగే క్రూ-10 ప్రయోగం కూడా మార్చి తర్వాతే జరిగే అవకాశం ఉందని సమాచారం. అందువల్ల సునీతా ఇంకా ఐఎస్ఎస్‌లోనే ఉండాల్సి వస్తోంది.
ఈ ఆలస్యం, ఐఎస్ఎస్‌లో సునీతకు అనుకోని విరామంగా మారింది. ఐఎస్ఎస్‌లో సునీతా వ్యోమగామిగా కొనసాగుతున్నప్పటికీ, భూమికి తిరిగి రావడం కోసం వేచిచూడాల్సిన పరిస్థితి ఏర్పడింది.