యూఎస్: భారత సంతతి వ్యోమగామి సునీతా విలియమ్స్ అంతరిక్షంలో 7 నెలలుగా చిక్కుకుపోయారు. 2023 జూన్ 5న బోయింగ్ స్టార్‌లైనర్ ద్వారా అంతర్జాతీయ అంతరిక్ష కేంద్రం (ISS)కి వెళ్లిన ఆమె, కేవలం 8 రోజుల మిషన్ కోసం వెళ్లినా సాంకేతిక సమస్యల కారణంగా భూమికి తిరిగి రాలేకపోయారు.
వాస్తవానికి జూన్ 14న రాగలిగేవారు కానీ, నాసా పలు సాంకేతిక లోపల కారణంగా అనేకసార్లు వాయిదా వేసింది. తాజాగా ఓ వర్చువల్ సెషన్‌లో సునీతా విలియమ్స్ మాట్లాడుతూ, 7 నెలలుగా నడవలేదని, కూర్చోలేదని, పడుకోలేదని వెల్లడించారు.
శూన్య గురుత్వాకర్షణ ప్రభావంతో శరీరం నిరంతరం తేలియాడుతూనే ఉందని, భూమిపై నడిచిన అనుభూతిని కూడా గుర్తు చేసుకోలేకపోతున్నానని తెలిపారు.
ఈ నేపథ్యంలో, స్పేస్ ఎక్స్ క్రూ-10 మిషన్ ద్వారా ఆమెను భూమికి తీసుకురావడానికి ప్రయత్నాలు ముమ్మరంగా జరుగుతున్నాయి.
టెస్లా, స్పేస్ ఎక్స్ అధినేత ఎలన్ మస్క్ ట్వీట్ చేస్తూ, అమెరికా మాజీ అధ్యక్షుడు డొనాల్డ్ ట్రంప్ ఈ విషయంలో జోక్యం చేసుకున్నట్లు తెలిపారు.
మార్చి చివరి లేదా ఏప్రిల్ మొదటి వారంలో సునీతా భూమికి తిరిగి చేరుకునే అవకాశం ఉంది. భూమి వాతావరణానికి ఆమె శరీరం ఎలా స్పందిస్తుందనేది ఆసక్తిగా మారింది.