టాలీవుడ్: బాల నటుడిగా దాదాపు ఇండస్ట్రీ లో ఉన్న పెద్ద హీరోలందరితో సినిమాలు చేసి ఈ మధ్యనే ‘ఓ బేబీ’ సినిమాతో మళ్ళీ ఇండస్ట్రీ లోకి అడుగు పెట్టిన నటుడు ‘తేజ సజ్జ’. ప్రస్తుతం ఈ నటుడు హీరో గా ‘జాంబీ రెడ్డి‘ అనే సినిమా రూపొందింది. ఈ మధ్యనే విడుదలైన ఈ సినిమా ట్రైలర్ కి కూడా అనూహ్య స్పందన లభించింది. ప్రస్తుతం ఈ నటుడు హీరో గా రెండవ సినిమాని కూడా ప్రారంభించాడు. ఈ సినిమాని ‘ఇష్క్ (నాట్ ఎ లవ్ స్టోరీ )’ అనే టైటిల్ తో రూపొందిస్తున్నారు. ఈ సినిమాలో తేజ కి జోడీ గా వింక్ బ్యూటీ ‘ప్రియా ప్రకాష్ వారియర్’ నటిస్తున్నారు. ఈ హీరోయిన్ కూడా నితిన్ తో పాటు ‘చెక్‘ అనే ఒక సినిమాలో నటిస్తుంది.
90 ల్లో తెలుగులో ఎన్నో సూపర్ హిట్ లు అందించిన నిర్మాణ సంస్థ ‘సూపర్ గుడ్ ఫిలిమ్స్’. ఈ బ్యానర్ ఆ తర్వాత కొంచెం సినిమాలు తగ్గించింది. ఇపుడు మళ్ళీ ఈ సంస్థ ఈ సినిమాతో మరో సారి పూర్వ వైభవం పొందాలని చూస్తున్నారు. ఆర్.బి. చౌదరి సమర్పణలో ఎన్వీ ప్రసాద్, పారస్ జైన్, వాకాడ అంజన్ కుమార్ ఈ సినిమాని నిర్మిస్తున్నారు. ఎస్ఎస్ రాజు ఈ సినిమాకి దర్శకత్వం వహిస్తున్నారు. మహతి స్వరసాగర్ ఈ సినిమాకి సంగీతం అందించనున్నారు. మరి కొద్దీ రోజులలో ఈ సినిమా రెగ్యులర్ షూటింగ్ ప్రారంభించనున్నట్టు తెలిపారు.