మూవీడెస్క్: తమిళ స్టార్ హీరో సూర్య మరోసారి సరికొత్త ప్రయోగం చేయబోతున్నట్లు టాక్ వినిపిస్తోంది.
ఇటీవల కంగువా చిత్రం ఆశించిన స్థాయిలో విజయం సాధించకపోయినా, సూర్య కొత్త ప్రాజెక్టులపై ఆసక్తి మాత్రం తగ్గలేదు.
ముఖ్యంగా ఆయన ఓ సూపర్ హీరోగా నటించబోతున్నాడన్న వార్త ఇప్పుడు కోలీవుడ్‌లో హాట్ టాపిక్ గా మారింది.
ఈ ప్రాజెక్ట్‌కు మిన్నల్ మురళి ఫేమ్ బాసిల్ జోసెఫ్ దర్శకత్వం వహించనున్నారని సమాచారం.
సూపర్ హీరో సినిమాలకు కొత్త కోణాన్ని చూపించడంలో బాసిల్ జోసెఫ్ సిద్ధహస్తుడు.
మిన్నల్ మురళి వంటి హిట్ తర్వాత మరింత గ్రాండ్‌గా, ఇంటర్నేషనల్ స్టాండర్డ్స్‌లో ఓ చిత్రం ప్లాన్ చేస్తున్నట్లు సమాచారం.
సూర్య పర్ఫెక్ట్ ఫిట్‌నెస్, క్యారిష్మా ఈ పాత్రకు బాగా సరిపోతుందని, ఈ సినిమా విశేషంగా ఆకట్టుకుంటుందని సినీ విశ్లేషకులు భావిస్తున్నారు.
ఇప్పటికే సూర్య తన కెరీర్‌లో విభిన్నమైన పాత్రలు పోషించి, ప్రేక్షకులను మెప్పించారు.
గజినీ, సూరరై పొట్రు వంటి సినిమాల్లో అతని నటనకు మంచి గుర్తింపు వచ్చింది.
ఇప్పుడు సూపర్ హీరో పాత్రతో మరో సంచలనాన్ని సృష్టించనున్నారు.
ఈ చిత్రం తెలుగు, హిందీ సహా పాన్ ఇండియా స్థాయిలో విడుదలయ్యే అవకాశం ఉంది.