మూవీడెస్క్: కోలీవుడ్ స్టార్ హీరో సూర్య నవంబర్ 14న కంగువా తో పాన్ వరల్డ్ రేంజ్‌లో ప్రేక్షకుల ముందుకు రాబోతున్నాడు.
ప్రస్తుతం ఈ సినిమా ప్రమోషన్స్‌తో బిజీగా ఉన్న సూర్య, అన్ని రాష్ట్రాల్లో ఇవెంట్లలో పాల్గొంటూ విశేష స్పందన పొందుతున్నాడు.
‘సూరరై పొట్రు’, ‘జై భీమ్’ లాంటి సినిమాలతో నేషనల్ ఇమేజ్ తెచ్చుకున్న సూర్య నుంచి వస్తున్న పాన్ ఇండియా మూవీ కావడంతో ‘కంగువా’పై భారీ అంచనాలు ఉన్నాయి.
‘కంగువా’ సక్సెస్ అయితే సూర్య కెరీర్‌లో మైలురాయిగా నిలుస్తుందని, ఈ చిత్రం కనీసం 1000 కోట్ల కలెక్షన్లను రాబట్టుతుందనే అంచనాలు ఉన్నాయి.
పీరియాడికల్ యాక్షన్ ఎలిమెంట్స్‌తో శివ తెరకెక్కించిన ఈ చిత్ర కథాంశం మాస్ ఆడియన్స్‌కు నచ్చేలా ఉన్నట్లు తెలుస్తోంది.
అంతే కాదు, తక్కువ గ్యాప్‌లోనే సూర్య నుంచి మరో రెండు సినిమాలు విడుదలకు సిద్ధంగా ఉన్నాయి.
కార్తీక్ సుబ్బరాజు దర్శకత్వంలో సూర్య పూర్తి చేసిన సినిమా 2025 మార్చిలో విడుదల కానుంది. యాక్షన్ బ్యాక్‌డ్రాప్‌లో రూపొందిన ఈ ప్రాజెక్ట్ పైన కోలీవుడ్‌లో మంచి హైప్ ఉంది.
ఆర్ జే బాలాజీ దర్శకత్వంలో మరో సినిమా కూడా చేస్తున్న సూర్య, 2025 ద్వితీయార్ధంలో ఈ సినిమాతో ప్రేక్షకులను పలకరించే అవకాశముంది.
ఈ ప్రాజెక్ట్ డిఫరెంట్ కాన్సెప్ట్‌తో రూపొందుతుండటంతో దీనిపై కూడా ఆసక్తి నెలకొంది. అంటే, 12 నెలల వ్యవధిలోనే సూర్య నుంచి 3 పెద్ద సినిమాలు వస్తున్నాయి.