మూవీడెస్క్: దక్షిణాది స్టార్ హీరో సూర్య, కంగువ సినిమాతో పాన్ ఇండియా స్థాయిలో విజయాన్ని సాధించడానికి ప్రయత్నిస్తున్నాడు.
బాలీవుడ్‌లో సక్సెస్ కోసం ముంబైలో ఎక్కువ సమయం గడుపుతూ, ఉత్తరాదిలో ఈ సినిమాను విస్తృతంగా ప్రమోట్ చేస్తున్నాడు.
ఇటీవలి కంగువ ప్రమోషన్ సందర్భంగా, సూర్య తనకు బూస్ట్ ఇచ్చిన విక్రమ్ సినిమాలో రోలెక్స్ పాత్రపై ఆసక్తికర విషయాలను షేర్ చేశాడు.
“రోలెక్స్ పాత్ర కోసం నాకు సెట్‌లోనే సీన్ వివరించారు. ఆ రోజున చాలా టెన్షన్‌గా ఉన్నాను,” అని సూర్య అన్నారు.
తాను తెరపై పొగ త్రాగబోనని మాట ఇచ్చుకున్నప్పటికీ, రోలెక్స్ పాత్రలో విలన్ గా కనిపించడంతో ఆ నియమాన్ని అతిక్రమించినట్లు తెలిపారు.
“నేను విలన్ పాత్రలో ఉన్నప్పుడు సూర్యగా ఉండాల్సిన అవసరం లేదు. అందుకే ఆ పాత్రకు తగ్గట్టు చేశాను,” అని వివరించారు.
కమల్ హాసన్ ప్రొడక్షన్‌లో నటించడంతో తన డ్రీమ్ నెరవేరినట్లు చెప్పిన సూర్య, రోలెక్స్ పాత్రపై సోలో సినిమా చేసే ఆలోచన బలపడిందని తెలిపారు.
నవంబర్ 14న కంగువ విడుదల కానుంది.