కోలీవుడ్: రెండు నేషనల్ అవార్డు సినిమాలు రూపొందించిన దర్శకుడు వెట్రిమారన్. చివరగా ధనుష్ తో అసురణ్ సినిమా రూపొందించిన వెట్రి మారన్ ప్రస్తుతం సూర్య తో జత కట్టాడు. నేటివిటీ ని బేస్ చేసుకుని కథలు రూపొందించే వెట్రిమారన్ మరోసారి అదే పంథా లో వెళ్లినట్టు తెలుస్తుంది. ‘వాడి వాసల్’ అనే టైటిల్ తో ఈ సినిమా రూపొందనుందని తెలిసిన విషయమే. ఈ రోజు ఈ సినిమా టైటిల్ లుక్ విడుదల చేసారు.
ఒక పాత కాయిన్ పైన కొమ్ములతో దూసుకెళ్తున్న ఎద్దు ని చూపించారు. వాడి వాసల్ టైటిల్ లోగో లో కూడా మధ్య లో ‘v ‘ అక్షరం పైన కొమ్ములు పెట్టి టైటిల్ లుక్ విడుదల చేసారు. నేటివిటీ ఆధారంగా సినిమాలు తీసే వెట్రి మారన్ ఈ సినిమాని జల్లి కట్టు నేపథ్యం లో తీస్తున్నాడా అన్న సందేహం కూడా వస్తుంది కానీ ఇప్పుడే ఏదీ ధృవీకరించలేము. ఆడుకులం, వడ చెన్నై, అసురణ్ లాంటి కంటెంట్ బేస్డ్ సినిమాలు రూపొందించిన వెట్రి మారన్ మరో సారి తన పంథాలోనే నేటివ్ తమిళ్ మూవీ తియ్యనున్నట్టు హింట్ ఇచ్చాడు.
అసురణ్ సినిమాని నిర్మించిన వీ.క్రియేషన్స్ బ్యానర్ పై కలైపులి ఎస్.థాను ఈ సినిమాని నిర్మిస్తున్నారు. జి.వీ.ప్రకాష్ కుమార్ ఈ సినిమాకి సంగీతం అందించనున్నారు. ఈ సినిమా గురించి మరిన్ని వివరాలు మరి కొద్ది రోజుల్లో విడుదల చేయనున్నారు.