మూవీడెస్క్: 2024లో మంచి విజయాన్ని సాధించిన ‘హనుమాన్’ సినిమాకు సీక్వెల్‌గా జై హనుమాన్ ఇటీవల ప్రకటించారు.
మైత్రి మూవీ మేకర్స్ భారీ బడ్జెట్‌తో ఈ సినిమాను నిర్మించబోతోంది. రిషబ్ శెట్టి ప్రధాన పాత్రలో నటిస్తుండటంతో, అంచనాలు మరింత పెరిగాయి.
ఈ సినిమాకు సంబంధించిన థీమ్ సాంగ్ విడుదల కావడంతో ప్రేక్షకులలో ఆసక్తి మరింతగా పెరిగింది.
ఇటీవల దర్శకుడు ప్రశాంత్ వర్మ రిషబ్ శెట్టి, దగ్గుబాటి రానాతో ఉన్న ఫోటోని షేర్ చేయడంతో రానా పాత్రపై చర్చ ప్రారంభమైంది.
రిషబ్ హనుమంతుడిగా నటిస్తుండగా, రానా ఈ సినిమాలో రావణుడిగా కనిపించనున్నట్లు టాక్ వినిపిస్తోంది.
ఈ వార్త అధికారికంగా ప్రకటించనప్పటికీ, రానా యొక్క శక్తివంతమైన రూపం, గంభీర గళం రావణుడి పాత్రకు తగ్గట్లు సరిపోతుందని అభిమానులు అంచనా వేస్తున్నారు.
ఇంకా రాముడి పాత్ర కోసం ఎవరు నటిస్తారన్నదానిపై స్పష్టత రావాల్సి ఉంది.
ఈ ప్రాజెక్ట్ పూర్తిగా ప్రారంభం కావడానికి ముందు ప్రశాంత్ వర్మ మొదట మోక్షజ్ఞ డెబ్యూ ప్రాజెక్ట్‌పై దృష్టి సారించనున్నారు.
అదే విధంగా ‘జై హనుమాన్’ ప్రాజెక్ట్‌తో పాటు ప్రశాంత్ తన సినిమాటిక్ యూనివర్స్‌లో మరో చిత్రం ‘మహాకాళి’ను కూడా ప్రకటించారు.
రిషబ్ శెట్టితో తెరకెక్కబోయే ఈ సీక్వెల్ 2026లో విడుదల అవుతుందనే అంచనాలు ఉన్నాయి.