మూవీడెస్క్: నాగచైతన్య, చందు మొండేటి కాంబినేషన్‌లో తెరకెక్కుతున్న తండేల్ సినిమా పట్ల ఇప్పటికే అభిమానుల్లో భారీ అంచనాలు ఏర్పడ్డాయి.
మత్స్యకారుల జీవితాలను ఆధారంగా చేసుకుని రూపొందుతున్న ఈ సినిమా కొత్త కథతో పాటు నాగచైతన్య డిఫరెంట్ లుక్‌ను హైలైట్ చేస్తోంది.
లవ్ స్టోరీ తర్వాత సాయి పల్లవి మళ్లీ నాగచైతన్యతో జత కడుతుండటం కూడా ప్రేక్షకుల్లో ప్రత్యేక ఆసక్తిని పెంచింది.
తాజా సమాచారం ప్రకారం, ఈ సినిమా విడుదల తేదీపై చిత్రబృందం కీలక మార్పులను పరిగణలోకి తీసుకుంటోంది.
మొదట డిసెంబరు నెలలో క్రిస్మస్ సందర్భంగా ఈ చిత్రాన్ని రిలీజ్ చేయాలని భావించారు. అయితే తాజాగా సంక్రాంతి సీజన్ కోసం రెడీ అవుతున్నట్లు తెలుస్తోంది.
ఫెస్టివల్ సీజన్‌లో సినిమాలకు డిమాండ్ ఎక్కువగా ఉండటంతో, ఈ నిర్ణయం బాక్సాఫీస్‌కు అనుకూలమవుతుందని టీమ్ భావిస్తోంది.
ఈ సంక్రాంతికి బాలకృష్ణ 109వ సినిమా, రామ్ చరణ్ “గేమ్ ఛేంజర్,” మరియు వెంకటేష్ సినిమా కూడా బరిలోకి దిగబోతున్నాయి.
పోటీ తీవ్రంగా ఉన్నా, తండేల్ పండగ సీజన్‌ను టార్గెట్ చేయడం మంచి వ్యూహం అని భావిస్తున్నారు.
మంచి టాక్ రాబడితే అన్ని సినిమాలకు ప్రేక్షకుల నుంచి ఆదరణ ఉంటుందనే నమ్మకంతో టీమ్ ముందుకు సాగుతోంది.
ప్రస్తుతం నిర్మాతలు ఈ నిర్ణయంపై ఆలోచన చేస్తున్నారు. మరికొన్ని రోజుల్లో సినిమా విడుదల తేదీపై అధికారిక ప్రకటన వచ్చే అవకాశం ఉంది.