మూవీడెస్క్: టాలెంటెడ్ యంగ్ హీరో తేజ సజ్జా ప్రధాన పాత్రలో నటిస్తున్న మిరాయ్ సినిమా టాలీవుడ్‌లో హాట్ టాపిక్‌గా మారింది.
కార్తీక్ ఘట్టమనేని దర్శకత్వం వహిస్తున్న ఈ యాక్షన్ ఎంటర్‌టైనర్ హాలీవుడ్ స్థాయిలో ఉండబోతోందని టాక్ వినిపిస్తోంది.
మంచు మనోజ్ ఇందులో విలన్ పాత్రలో కనిపించనుండటం కూడా చిత్రానికి ప్రత్యేక ఆకర్షణగా నిలిచింది.
సినిమా షూటింగ్ ప్రారంభమై చాలా వరకు టాకీ పార్ట్ పూర్తి కాగా, మిగిలిన భాగాన్ని త్వరలోనే పూర్తి చేయాలని యూనిట్ సన్నాహాలు చేస్తోంది.
అందులో భాగంగా ఈ చిత్రంలో ఓ స్పెషల్ సాంగ్‌ కోసం నిధి అగర్వాల్‌ను ఎంపిక చేసినట్లు సమాచారం.
నిధి ప్రస్తుతం ప్రభాస్‌తో ది రాజా సాబ్, పవన్ కళ్యాణ్‌తో హరిహర వీరమల్లులో నటిస్తూ బిజీగా ఉన్నారు.
మిరాయ్ చిత్రాన్ని పీపుల్స్ మీడియా ఫ్యాక్టరీ బ్యానర్‌పై టీజీ విశ్వ ప్రసాద్ నిర్మిస్తున్నారు.
ఈ చిత్రం 2025 ఏప్రిల్ 18న తెలుగు, హిందీ, తమిళం, కన్నడ, మలయాళం, బెంగాలీ, చైనీస్ భాషల్లో విడుదల కానుంది.