తెలంగాణ: అధికారంలో ఉన్న కాంగ్రెస్ ప్రభుత్వం ఎన్నిక‌ల ముందు ఇచ్చిన గ్యారెంటీలను అమలు చేసే దిశగా చురుగ్గా ప్రయత్నాలు ప్రారంభించింది.
ఇప్ప‌టివ‌ర‌కు కొన్ని గ్యారెంటీలు మాత్రమే అమలు చేయగా, మిగిలిన వాటిపై విప‌క్షాల నుంచి తీవ్ర విమ‌ర్శలు ఎదురవుతున్నాయి.
ఈ విమర్శల నేపథ్యంలో గణతంత్ర దినోత్సవం సందర్భంగా కొన్ని కీలక పథకాలు ప్రారంభించేందుకు ప్రభుత్వం సిద్ధమైంది.
జనవరి 26 నుంచి రైతు భరోసా – పంట పెట్టుబడి సాయం ప్రారంభమవుతుందని, ఇది ఖరీఫ్ సీజన్‌కు ప్రోత్సాహకరంగా మారుతుందని అధికారులు తెలిపారు.
అలాగే ఇందిరమ్మ ఆత్మీయ భరోసా, కొత్త రేషన్ కార్డులు, ఇందిరమ్మ ఇళ్ల పథకాలు కూడా అమలు చేయాలని నిర్ణయించారు. లబ్ధిదారుల ఎంపిక కోసం ఫీల్డ్ సర్వే నిర్వహించి, మూడు దశల్లో వారికి జాబితాలు సిద్ధం చేయనున్నారు.
అయితే, ఈ పథకాల అమలుకు కావాల్సిన నిధులపై సందిగ్ధత నెలకొంది. ఉచిత బస్సు సర్వీసులు ఇప్పటికే సర్కారుకు ఆర్థిక భారంగా మారాయి.
ఈ పరిస్థితుల్లో కొత్త పథకాల అమలు ఎలా చేస్తారనేది ఆసక్తిగా మారింది. ఏదేమైనా, ప్రతిపక్షాల విమర్శల నుంచి బయటపడేందుకు ప్రభుత్వం ఈ చర్యలు తీసుకుంటుందని విశ్లేషకులు భావిస్తున్నారు.