అమరావతి : అల్లు అర్జున్‌కి హైకోర్టులో తాత్కాలిక ఊరట
ఏపీ హైకోర్టు, ఎన్నికల కోడ్ ఉల్లంఘన కేసు సినీ హీరో అల్లు అర్జున్‌కి తాత్కాలిక ఊరటను కల్పించింది. నంద్యాలలో గత ఎన్నికల సందర్భంగా ఎన్నికల ప్రవర్తన నియమావళి ఉల్లంఘనగా నమోదైన కేసు రద్దు చేయాలని అల్లు అర్జున్, వైఎస్సార్సీపీ మాజీ ఎమ్మెల్యే శిల్పా రవిచంద్ర కిశోర్ రెడ్డి హైకోర్టులో పిటిషన్ దాఖలు చేశారు. దీనిపై విచారణ జరిపిన హైకోర్టు, నవంబర్ 6 వరకు ఎటువంటి చర్యలు తీసుకోకూడదంటూ తాత్కాలిక ఉత్తర్వులు జారీచేసింది.
కేసు వివరాలు
ఈ ఏడాది మే 11న నంద్యాల వైఎస్సార్సీపీ అభ్యర్థి శిల్పా రవిచంద్రకిశోర్ రెడ్డికి మద్దతుగా అల్లు అర్జున్ పెద్ద ర్యాలీ నిర్వహించారు. ఈ ర్యాలీకి ముందస్తు అనుమతులు లేకుండానే భారీ జనసమీకరణ జరిగింది. అప్పటికి నగరంలో సెక్షన్ 144, పోలీస్ యాక్ట్ 30 అమలులో ఉండటంతో ఈ చర్య ఎన్నికల కోడ్ ఉల్లంఘనగా పరిగణించబడింది. ఈ నేపథ్యంలో నంద్యాల టూ టౌన్ పోలీసులు అల్లు అర్జున్ సహా రవిచంద్రకిశోర్ రెడ్డిపై కేసు నమోదు చేశారు.
తాత్కాలిక నిర్ణయం
ఆ ఎఫ్‌ఐఆర్‌కు సంబంధించి హైకోర్టు నవంబర్ 6 వరకు తదుపరి చర్యలు తీసుకోవద్దని నంద్యాల పోలీసులను ఆదేశించింది. నవంబర్ 6న ఈ పిటిషన్‌పై తుది నిర్ణయం తీసుకుంటామని తెలిపింది.
పోలీసుల చర్యలు
ఈ ఘటనపై పోలీస్ శాఖలో పెద్ద చర్చ రేగింది. ర్యాలీ నియంత్రణలో విఫలమయ్యారన్న ఆరోపణలపై నంద్యాల టూ టౌన్ పోలీస్ స్టేషన్‌కు చెందిన ఇద్దరు కానిస్టేబుళ్లపై వేటు వేయడం జరిగింది.