మహారాష్ట్ర: నవనీత్ రాణా ఎన్నికల ప్రచారంలో ఉద్రిక్తత
మహారాష్ట్ర అసెంబ్లీ ఎన్నికల ప్రచార వేళ, మాజీ ఎంపీ మరియు సినీనటి నవనీత్ రాణా నిర్వహించిన ప్రచార సభలో తీవ్ర ఉద్రిక్తత చోటుచేసుకుంది.
అమరావతి జిల్లా ఖల్లార్ గ్రామంలో నవనీత్ రాణా సభకు చేరుకున్న కొద్దిసేపటిలో కొందరు గుర్తుతెలియని వ్యక్తులు మతపరమైన నినాదాలు చేస్తూ దాడి యత్నించారు.
ఈ దాడిలో అల్లరి మూకలు కుర్చీలను విసరడం, గందరగోళం సృష్టించడంతో పరిస్థితి మరింత ఉద్రిక్తతకు దారితీసింది.
పోలీసులు సత్వర చర్య తీసుకుని 45 మందిపై ఎఫ్‌ఐఆర్ నమోదు చేయగా, ముగ్గురిని అదుపులోకి తీసుకున్నారు.
దాడిపై నవనీత్ రాణా స్పందన
ఈ దాడి ఘటనపై తీవ్రంగా స్పందించిన నవనీత్ రాణా, కాంగ్రెస్ పార్టీపై విమర్శలు గుప్పించారు.
“బెదిరింపులకు తలొగ్గే రోజులు పోయాయి. ఇది కాంగ్రెస్ బెదిరింపు సంస్కృతి,” అంటూ వ్యాఖ్యానించారు.
ప్రాణాపాయం ఉందని భావించిన సమయంలో గన్‌మెన్‌లు ఆమెను రక్షించారని, ఈ ఘర్షణలో ఒక గన్‌మెన్‌కు స్వల్ప గాయాలు కూడా అయ్యాయని తెలిపారు.
ఘటనపై కేసు నమోదు
సభలో ఆమెను అడ్డుకోవడమే కాకుండా, కొందరు వ్యక్తులు కుర్చీలు విసరడం, దూషణలు చేయడం వంటి చర్యలకు పాల్పడ్డారు.
ఈ దాడిని ఖల్లార్ పోలీస్ స్టేషన్‌లో ఫిర్యాదు చేసిన నవనీత్ రాణా, మహాయుతి అభ్యర్థి రమేశ్ బండిలేకు మద్దతుగా పాల్గొన్న ప్రచార సభలో తనకు వ్యతిరేకంగా మతపరమైన నినాదాలు చేస్తూ అల్లరి మూకలు హింసాత్మక ఘటనకు పాల్పడ్డారని ఆరోపించారు.
ఘటనపై రాజకీయ దుమారం
ఈ దాడి నేపథ్యంలో మహారాష్ట్రలోని రాజకీయ వాతావరణం మరింత వేడెక్కింది. నవనీత్ రాణా చేసిన విమర్శలు, కాంగ్రెస్‌తో పాటు ప్రతిపక్ష పార్టీలపై సంచలన రీతిలో చేసిన వ్యాఖ్యలు మరింత చర్చనీయాంశంగా మారాయి.