అంతర్జాతీయం: కెనడా-భారత్‌ మధ్య ఉద్రిక్తతలు తీవ్రం
ఖలిస్తానీ వేర్పాటువాది హర్దీప్‌ సింగ్‌ నిజ్జర్‌ హత్యపై కెనడా చేసిన ఆరోపణల నేపథ్యంలో, భారత్‌-కెనడా మధ్య దౌత్య సంబంధాలు మరింత దారుణంగా క్షీణించాయి. కెనడా ప్రధాని జస్టిన్ ట్రూడో భారత్‌పై తీవ్ర ఆరోపణలు చేయడంతో ప్రారంభమైన ఈ వివాదం, భారత హైకమిషనర్ సంజయ్‌ కుమార్‌ వర్మను నేరుగా అనుమానితునిగా పేర్కొనడంతో మరింత ముదిరింది.
కెనడా విదేశాంగ మంత్రిని తేలికగా తీసుకోకండి
తాజాగా కెనడా విదేశాంగ మంత్రి మెలానీ జోలీ, భారత దౌత్యవేత్తలపై ప్రత్యేక నిఘా ఉంచామని తెలిపారు. ఒట్టావాలోని హైకమిషనర్‌తో పాటు ఆరుగురు భారత దౌత్యవేత్తలను కెనడా ప్రభుత్వం ఇప్పటికే బహిష్కరించినట్లు వెల్లడించారు. “మిగిలిన భారతీయ దౌత్యవేత్తలపై నిఘా కొనసాగుతూనే ఉంటుంది. వియన్నా కన్వెన్షన్‌ను ఉల్లంఘిస్తే, ఆ చర్యలను సహించేది లేదు” అని ఆమె పేర్కొన్నారు.
భారత ప్రతిస్పందన
కెనడా ఈ ఆరోపణలను చేసినప్పటి నుంచి భారత్‌ నిరసన వ్యక్తం చేస్తోంది. నిజ్జర్‌ హత్యతో భారత్‌ కు ఎలాంటి సంబంధం లేదని భారత్‌ స్పష్టంగా పేర్కొంది. ఈ ఆరోపణలతో భారత విదేశాంగ శాఖ ఆగ్రహం వ్యక్తం చేస్తూ, కెనడా దేశానికి చెందిన ఆరుగురు దౌత్యవేత్తలను తమ దేశం నుంచి బహిష్కరించింది.
కెనడా గడ్డపై విదేశీ జోక్యం లేదని స్పష్టం
కెనడా విదేశాంగ మంత్రి మాట్లాడుతూ, “మన చరిత్రలో ఇలాంటి విదేశీ జోక్యాన్ని ఎన్నడూ చూడలేదు. కెనడా గడ్డపై ఎలాంటి విదేశీ అణచివేతను మేం సహించం. ఇది ఐరోపాలో జరిగిందని, జర్మనీ, బ్రిటన్‌లో రష్యా విదేశీ జోక్యాన్ని చూశాం. కానీ, కెనడాలో మేం ఎంతో దృఢంగా ఉంటాం” అని పేర్కొన్నారు.
భారత్‌పై నిఘా కొనసాగుతుందని జోలీ హామీ
మిగిలిన భారతీయ దౌత్యవేత్తలను బహిష్కరిస్తారా? అనే ప్రశ్నకు జోలీ, “ప్రస్తుతం మిగిలిన దౌత్యవేత్తలపై స్పష్టంగా నిఘా ఉంచాం. భారత హైకమిషనర్‌తో పాటు టొరంటో, వాంకోవర్‌లో ఉన్న ఇతర భారతీయ దౌత్యవేత్తలు కూడా ఈ పర్యవేక్షణలో ఉన్నారు” అని ఆమె సమాధానమిచ్చారు.