మూవీడెస్క్: నాగ చైతన్య, సాయి పల్లవి జంటగా నటించిన తండేల్ మూవీకి భారీ అంచనాలు నెలకొన్నాయి.
చందూ మొండేటి దర్శకత్వంలో తెరకెక్కిన ఈ చిత్రం పీరియాడిక్ లవ్ స్టోరీగా రాబోతోంది.
ఫిబ్రవరి 7న థియేటర్లలో విడుదల కానున్న ఈ చిత్రాన్ని గీతా ఆర్ట్స్ సమర్పణలో బన్నీ వాసు నిర్మించారు.
విడుదల దగ్గరపడుతుండటంతో మేకర్స్ ప్రమోషన్స్‌ను ఊపందించారు.
ఇప్పటికే మ్యూజికల్ ప్రమోషన్స్‌లో మూడు పాటలు హిట్ అవ్వగా, రీసెంట్‌గా వచ్చిన ట్రైలర్ ట్రెమండస్ రెస్పాన్స్ దక్కించుకుంది.
తండేల్ ట్రైలర్ 24 గంటల్లోనే 9.47 మిలియన్ వ్యూస్ అందుకోవడం విశేషం.
యాక్షన్, ఎమోషన్, లవ్ అన్నీ సమపాళ్లలో మిళితం చేసిన ఈ ట్రైలర్ సినిమాపై అంచనాలు పెంచేసింది.
ట్రైలర్ కట్ చాలా పవర్‌ఫుల్‌గా ఉందని ప్రేక్షకులు ప్రశంసిస్తున్నారు.
మేకర్స్ సమయాన్ని చక్కగా వినియోగించుకుని సినిమాను అద్భుతంగా హైప్ చేస్తున్నారు.
ఇక దేశవ్యాప్తంగా ప్రమోషన్స్‌ను విస్తరిస్తున్న తండేల్ టీమ్, తమిళనాడులో కోలీవుడ్ స్టార్ కార్తితో ట్రైలర్ రిలీజ్ ఈవెంట్ ప్లాన్ చేశారు.
ముంబైలో బాలీవుడ్ సూపర్ స్టార్ అమీర్ ఖాన్ హాజరవుతున్న ఈవెంట్ మరింత హైప్ క్రియేట్ చేస్తోంది.
తెలుగు రాష్ట్రాల్లో కూడా గ్రాండ్ ఈవెంట్ ప్లాన్ చేస్తున్నారు.
మొత్తానికి నాగ చైతన్య కెరీర్‌లోనే బిగ్గెస్ట్ రిలీజ్‌గా నిలవనున్న ఈ సినిమా, ప్రమోషన్స్ పరంగా కూడా కొత్త రికార్డులు సెట్ చేయబోతోంది.
సినిమా హిట్ అయితే, చైతూ-సాయి పల్లవి కాంబో మరోసారి బ్లాక్‌బస్టర్ అందుకున్నట్టే.