మూవీడెస్క్: గ్లోబల్ స్టార్ రామ్ చరణ్ హీరోగా నటిస్తున్న తాజా చిత్రం బుచ్చిబాబు సానా దర్శకత్వంలో రూపొందుతోంది.
“గేమ్ ఛేంజర్” అనుకున్న స్థాయిలో రాణించలేకపోయినప్పటికీ, ఈ కొత్త ప్రాజెక్ట్‌పై అభిమానుల్లో భారీ అంచనాలు నెలకొన్నాయి.
ప్రస్తుతం ఈ సినిమా షూటింగ్ జోరుగా సాగుతోంది. తాజాగా ఈ చిత్రానికి సంబంధించిన మూడో షెడ్యూల్ ప్రారంభమైనట్లు సమాచారం.
ఈ షెడ్యూల్‌లో చరణ్, జాన్వీ కపూర్ కీలక సన్నివేశాలలో పాల్గొంటున్నారు.
తొలిసారి రామ్ చరణ్, జాన్వీ కపూర్ కలిసి స్క్రీన్ పంచుకోవడం ఈ సినిమాకి ప్రత్యేక ఆకర్షణగా నిలవనుంది.
అంతేకాకుండా, కన్నడ సూపర్ స్టార్ శివ రాజ్ కుమార్ కూడా ఈ షెడ్యూల్‌లో పాల్గొనబోతున్నారు.
ఆయన పాత్ర సినిమాకు ప్రధానమైన కీలకమైన మలుపు తీసుకురాబోతుందట.
బుచ్చిబాబు ఈ చిత్రాన్ని పక్కా పాన్ ఇండియా రేంజ్‌లో రూపొందించడానికి ప్రతీ అంశంపై ప్రత్యేక శ్రద్ధ చూపిస్తున్నారు.
ఈ చిత్రానికి ఏఆర్ రెహమాన్ మ్యూజిక్ అందిస్తుండగా, వృద్ధి సినిమాస్, మైత్రి మూవీ మేకర్స్ సంయుక్తంగా ఈ ప్రాజెక్ట్‌ను నిర్మిస్తున్నారు.
షూటింగ్ పనులు వేగంగా పూర్తి అవుతుండటంతో, సినిమా విడుదల గురించి కూడా త్వరలో అప్‌డేట్ రాబోతుందనే టాక్ వినిపిస్తోంది.