మూవీడెస్క్: ఈ ఏడాది డిసెంబర్ టాలీవుడ్ కోసం మరింత ఉత్కంఠతో ఎదురుచూడబోయే నెలగా మారింది.
ప్రముఖ పాన్ ఇండియా సినిమాలన్నీ ఇదే నెలలో ప్రేక్షకుల ముందుకు రాబోతున్నాయి.
ముఖ్యంగా ఐకాన్ స్టార్ అల్లు అర్జున్ నటించిన పుష్ప 2 డిసెంబర్ 6న విడుదల కానుండగా, గ్లోబల్ స్టార్ రామ్ చరణ్ ప్రధాన పాత్రలో నటించిన గేమ్ చేంజర్ డిసెంబర్ 20న విడుదలకు సిద్ధమవుతోంది.
ఈ రెండు చిత్రాలే కాకుండా నాగ చైతన్య నటించిన తండేల్ కూడా డిసెంబర్ నెలలో విడుదల అయ్యే అవకాశముంది.
ఈ మూడు పెద్ద చిత్రాల మధ్యే, మరో రెండు మీడియం రేంజ్ సినిమాలు కూడా బరిలో నిలుస్తున్నాయి.
నితిన్ నటించిన రాబిన్ హుడ్ ని కూడా డిసెంబర్ 20న విడుదల చేయడానికి ప్లాన్ చేస్తున్నారు.
ఈ మధ్య విడుదలయిన మ్యాడ్ సినిమాకి సీక్వెల్ గా తెరకెక్కుతున్న మ్యాడ్ స్క్వేర్ కూడా డిసెంబర్ లోనే విడుదల కావొచ్చని టాక్ వినిపిస్తోంది.
సినీ పరిశ్రమ వర్గాలు ప్రస్తుతం ఈ సినిమాల విడుదల తేదీల్లో మార్పులు ఉండవచ్చని అంచనా వేస్తున్నాయి.
ముఖ్యంగా గేమ్ చేంజర్ విడుదల తేదీపై కొన్ని మార్పులు ఉండే అవకాశం ఉంది. మొత్తానికి డిసెంబర్ బాక్సాఫీస్ దగ్గర పెద్ద పోటీ జరిగే అవకాశం కనిపిస్తోంది.