టాలీవుడ్: తెలుగు సినిమా స్టామినా ఏంటో బాహుబలి సినిమా ద్వారా ఇండియా మొత్తానికి తెలిసింది. ఆ సినిమా తర్వాత సౌత్ నుండి ప్రతి భాషలో రూపొందుతున్న సినిమాల్ని పాన్ ఇండియా లెవెల్ లో రూపొందింస్తున్నారు ఆయా నిర్మాతలు. టాలీవుడ్ నుండి కూడా ఇప్పటికే చాలా సినిమాలు మంచి కలెక్షన్స్, మంచి టాక్ సాధించి ఇండియా లెవెల్ బాక్స్-ఆఫీస్ లో టాప్ ఛార్ట్స్ లో నిలిచాయి. ప్రస్తుతం సెట్స్ పైన ఉన్న సినిమాల్ని చూస్తే వచ్చే రెండేళ్లలో టాలీవుడ్ నుండి విడుదల అవ్వబోతున్న సినిమాలు మరోసారి బాక్స్ ఆఫీస్ ని షేక్ చేసేలా ఉన్నాయి.
కేవలం ప్రభాస్ నుండే నాలుగు సినిమాలు మంచి క్రేజ్ తో రాబోతున్నాయి. రాధా కృష్ణ దర్శకత్వంలో పూర్తి లవ్ స్టోరీ గా రూపొందుతున్న ‘రాధే శ్యామ్’ సినిమా ఈ సంవత్సరం జూన్ లో, ప్రశాంత్ నీల్ తో రూపొందుతున్న యాక్షన్ మూవీ మరియు ఓం రౌత్ దర్శకత్వం లో రూపొందుతున్న హిస్టారికల్ యాక్షన్ మూవీ వచ్చే సంవత్సరం మొదట్లో విడుదల అయ్యే అవకాశాలు ఎక్కువ ఉన్నాయి. ఇవే కాకుండా ఆ తర్వాత నాగ్అశ్విన్ దర్శకత్వం లో రూపొందే సైన్స్ ఫిక్షన్ సినిమా పైన అంచనాలు ఆకాశంలో ఉన్నాయ్.
బహుబాలి డైరెక్టర్ రాజమౌళి నుండి రాబోతున్న తదుపరి సినిమా ‘RRR ‘ పైన దేశమంతా దృష్టి పెట్టింది. ఈ సినిమా నుండి ఏ అప్ డేట్ వచ్చిన అన్ని భాషల్లో వైరల్ అవుతుంది. ఈ సినిమా అక్టోబర్ లో విడుదల అవనుంది. రాజమౌళి కూడా ఈ సినిమాని అంచనాలకి ఏ మాత్రం తగ్గకుండా రూపొందిస్తున్నారు. టీజర్స్, పోస్టర్స్ చూస్తేనే ఆ విషయం అర్ధం అవుతుంది. దీంతో పాటు అల్లు అర్జున్ మరియు సుకుమార్ కాంబినేషన్ లో రూపొందుతున్న పుష్ప సినిమాపై కూడా మంచి అంచనాలు ఉన్నాయి.
ఇవే కాకుండా జూనియర్ ఎన్ఠీఆర్ – ప్రశాంత్ నీల్ కాంబినేషన్ లో రూపొందించబోయే సినిమా, రాంచరణ్ – శంకర్ కాంబినేషన్ లో రూపొందబోయే సినిమా, రాజమౌలి తర్వాత మహేష్ బాబు తో తీయబోయే సినిమా.. ఇలా వరుస సినిమాలతో టాలీవుడ్ నుండి రాబోతున్న సినిమాలు ఇండియన్ బాక్స్-ఆఫీస్ ని షేక్ చేయబోవడం మాత్రం తథ్యం.