డాలర్‌కు పోటీ వస్తే.. అంటూ BRICS దేశాలకు ట్రంప్ వార్నింగ్ ఇచ్చారు.
వాషింగ్టన్: అంతర్జాతీయ వాణిజ్యంలో యూఎస్‌ డాలర్ (US Dollar) స్థానాన్ని తగ్గించే ప్రయత్నాలు చేస్తే BRICS దేశాల ఎగుమతులపై 100 శాతం సుంకాలు (Tariffs) విధిస్తామని అమెరికా మాజీ అధ్యక్షుడు డొనాల్డ్ ట్రంప్ (Donald Trump) హెచ్చరించారు.
ట్రంప్ హెచ్చరిక
బ్రిక్స్ దేశాలు స్వంత కరెన్సీని అభివృద్ధి చేసి వాణిజ్యంలో డాలర్‌ను పక్కనపెట్టే యత్నాల్లో ఉన్నట్లు ఇటీవల రష్యా అధ్యక్షుడు వ్లాదిమిర్ పుతిన్ (Vladimir Putin) ప్రకటించారు. దీనిపై ట్రంప్ తీవ్ర అసహనం వ్యక్తం చేస్తూ, అలా జరిగితే BRICS దేశాల దిగుమతులపై కఠిన ఆంక్షలు అమలు చేస్తామని చెప్పారు.
BRICS నూతన ప్రణాళికలు
ఇటీవల రష్యాలోని కజాన్‌లో BRICS శిఖరాగ్ర సదస్సు జరిగింది. ఈ సందర్భంగా పుతిన్, సభ్య దేశాలు స్వంత డిజిటల్ కరెన్సీ అభివృద్ధిపై దృష్టిపెట్టాలని పిలుపునిచ్చారు. రష్యా, భారత్ కలిసి నూతన ఆర్థిక వ్యవస్థ రూపకల్పనలో భాగస్వామ్యంగా ఉన్నాయని చెప్పారు.
అమెరికా వాణిజ్యానికి ముప్పుగా BRICS కరెన్సీ?
డాలర్ ఆధిపత్యాన్ని తగ్గించాలనే BRICS ప్రణాళిక అమెరికా ఆర్థిక వ్యవస్థకు గండిపెడుతుందని ట్రంప్ అభిప్రాయపడ్డారు. అలాంటి ఆలోంచనలుచేస్తే అమెరికా మార్కెట్‌కు గుడ్‌బై చెప్పాల్సి వస్తుందని హెచ్చరించారు. BRICS కూటమి కొత్త ఆర్థిక సాధనాలను అమలు చేసే దిశగా పనిచేస్తున్నట్లు సమాచారం.
డాలర్‌పై ఆధారాన్ని తగ్గించడం సాధ్యమేనా?
అట్లాంటిక్ కౌన్సిల్‌కు చెందిన జియో ఎకనామిక్స్ సెంటర్ గత ఏడాది చేసిన అధ్యయనం ప్రకారం, BRICS ఎంత ప్రయత్నించినా డాలర్ ఆధిపత్యాన్ని పూర్తిగా తగ్గించడం కష్టమే అని తేలింది. ప్రపంచ ఆర్థిక వ్యవస్థలో డాలర్‌కు ప్రాధాన్యత కొనసాగుతుందని విశ్లేషకులు అభిప్రాయపడ్డారు.
అమెరికా-బ్రిక్స్ సంబంధాలపై ప్రభావం?
ట్రంప్ చేసిన ఈ వ్యాఖ్యలు, BRICS కూటమి ఆర్థిక వ్యూహాలు అంతర్జాతీయ వాణిజ్య సంబంధాలను మరింత ఉద్రిక్తం చేసే అవకాశముంది. ఒకవేళ BRICS కరెన్సీ సాధ్యమైతే అమెరికా ఆర్థిక వ్యవస్థపై భారీ ప్రభావం పడనుంది.