అంతర్జాతీయం: మోదీకి ట్రంప్ ప్రత్యేక బహుమతి – ‘మిస్టర్ ప్రైమ్ మినిస్టర్, యూ ఆర్ గ్రేట్’
ట్రంప్ నుంచి మోదీకి అరుదైన కానుక
అమెరికా మాజీ అధ్యక్షుడు డొనాల్డ్ ట్రంప్ భారత ప్రధాని నరేంద్ర మోదీకి ప్రత్యేక బహుమతిని అందించారు. ‘Our Journey Together’ అనే పుస్తకాన్ని గిఫ్ట్‌గా ఇచ్చారు. ఈ బుక్‌పై “మిస్టర్ ప్రైమ్ మినిస్టర్, యూ ఆర్ గ్రేట్” అని ట్రంప్ స్వయంగా రాసి, తన సంతకం చేసి మోదీకి అందించారు.
‘హౌడీ మోదీ’, ‘నమస్తే ట్రంప్’ ఫొటోలు
ఈ 320 పేజీల పుస్తకంలో ట్రంప్ అధ్యక్ష పదవీకాలంలో జరిగిన ప్రధాన కార్యక్రమాల ఫొటోలు ఉన్నాయి. ముఖ్యంగా 2019లో హూస్టన్‌లో జరిగిన ‘హౌడీ మోదీ’ ర్యాలీ, 2020లో అహ్మదాబాద్‌లో జరిగిన ‘నమస్తే ట్రంప్’ ఈవెంట్లకు సంబంధించిన ప్రత్యేక చిత్రాలను ఇందులో పొందుపరిచారు.
‘హౌడీ మోదీ’ – భారతీయ అమెరికన్ల భారీ ర్యాలీ
2019లో హూస్టన్‌లోని NRG స్టేడియంలో నిర్వహించిన ‘హౌడీ మోదీ’ ర్యాలీకి 50,000 మందికి పైగా భారతీయ అమెరికన్లు హాజరయ్యారు. ఈ ఈవెంట్‌లో మోదీ, ట్రంప్ కలిసి ప్రసంగించి ద్వైపాక్షిక సంబంధాల పరంగా కీలక సందేశాలు ఇచ్చారు.
అహ్మదాబాద్‌లో ‘నమస్తే ట్రంప్’ గ్రాండ్ ఈవెంట్
ఈ కార్యక్రమానికి ఐదు నెలల తర్వాత, 2020 ఫిబ్రవరిలో అహ్మదాబాద్‌లోని ప్రపంచంలోనే అతిపెద్ద క్రికెట్ స్టేడియంలో ‘నమస్తే ట్రంప్’ ఈవెంట్ జరిగింది. ఈ కార్యక్రమానికి లక్షలాది మంది ప్రజలు హాజరయ్యారు. భారత అమెరికా సంబంధాల పురోగతికి ఈ కార్యక్రమాలు కీలక మైలురాళ్లుగా నిలిచాయి.
ట్రంప్ ఐకానిక్ ఫొటోలు కూడా
ఈ పుస్తకంలో ట్రంప్ తన మొదటి అధ్యక్ష పదవీ కాలంలో జరిగిన ఇతర ముఖ్యమైన సంఘటనలకు సంబంధించిన ఫొటోలు కూడా ఉన్నాయి. ప్రపంచ నాయకులతో జరిగిన సమావేశాలు, అంతర్జాతీయ సదస్సులు, కీలక నిర్ణయాలకు సంబంధించిన చిత్రాలు ఇందులో ప్రస్తావించబడ్డాయి.
అమెజాన్, ఫ్లిప్‌కార్ట్‌లో కూడా అందుబాటులో
ఈ పుస్తకం ప్రస్తుతం అమెజాన్, ఫ్లిప్‌కార్ట్ వెబ్‌సైట్‌లలో సుమారు రూ.6,000 ధరకు లభిస్తోంది. అలాగే, అధికారిక ట్రంప్ స్టోర్‌లో ఈ బుక్ 100 డాలర్లకు విక్రయిస్తున్నారు.