అంతర్జాతీయం: అమెరికా 47వ అధ్యక్షుడిగా ట్రంప్ ప్రమాణస్వీకారం ఘనంగా జరిగింది.
ప్రపంచవ్యాప్తంగా వీక్షించిన కార్యక్రమం
అమెరికా 47వ అధ్యక్షుడిగా డొనాల్డ్ ట్రంప్ మరోసారి ప్రమాణస్వీకారం చేశారు. భారత కాలమానం ప్రకారం నిన్న రాత్రి 10.30 గంటలకు వాషింగ్టన్ డీసీలోని క్యాపిటల్ హిల్ రోటుండా ఇండోర్ ఆడిటోరియంలో ఈ కార్యక్రమం ఘనంగా జరిగింది. అమెరికా సుప్రీంకోర్టు ప్రధాన న్యాయమూర్తి చేతుల మీదుగా ట్రంప్ ప్రమాణం చేశారు.
ప్రపంచ నేతల సమక్షంలో..
ఈ కార్యక్రమానికి వివిధ దేశాల అధినేతలు హాజరయ్యారు. ట్రంప్ భార్య మెలానియా, కుమార్తె ఇవాంకా కూడా హాజరయ్యారు. భారత విదేశాంగ మంత్రి ఎస్. జయశంకర్ ప్రధాని మోదీ తరఫున ప్రత్యేక లేఖను అందించారు.
టెక్ దిగ్గజాలు, వ్యాపారవేత్తల హాజరు
ఎలాన్ మస్క్, మార్క్ జుకర్ బర్గ్, జెఫ్ బెజోస్, సుందర్ పిచాయ్, శామ్ ఆల్ట్‌మన్ వంటి టెక్ దిగ్గజాలు ఈ వేడుకకు ప్రత్యేక ఆకర్షణగా నిలిచారు. భారత దిగ్గజ వ్యాపారవేత్త ముఖేశ్ అంబానీ, నీతా అంబానీ దంపతులు కూడా ఈ కార్యక్రమంలో పాల్గొన్నారు.
తెలుగింటి అల్లుడు జేడీ వాన్స్ ఉపాధ్యక్షుడిగా ప్రమాణస్వీకారం
ట్రంప్ ప్రమాణస్వీకారానికి ముందు, ఉపాధ్యక్షుడిగా జేడీ వాన్స్ ప్రమాణం చేశారు. తెలుగింటి అల్లుడైన ఆయన ప్రమాణస్వీకారం భారతీయులకు ప్రత్యేకతగా నిలిచింది.
ట్రంప్ ప్రసంగం, గౌరవవందనం
“ఐ… డొనాల్డ్ ట్రంప్…” అంటూ ప్రమాణస్వీకార ప్రతిజ్ఞను ప్రారంభించిన ట్రంప్, తన ప్రసంగంలో అమెరికా ప్రగతికి కట్టుబడి ఉంటానని తెలిపారు. అనంతరం, క్యాపిటల్ హిల్ వెలుపల శతఘ్నులు గౌరవవందనం సమర్పించాయి.
రెండోసారి అధ్యక్షుడిగా ట్రంప్
ఇది ట్రంప్‌కు అమెరికా అధ్యక్షుడిగా రెండోసారి. ఈ విజయంతో ఆయన తిరిగి ప్రపంచ రాజకీయాల్లో కీలకంగా మారారు.