మూవీడెస్క్: 6 ఏళ్ళ క్రితం హర్రర్ ఫాంటసీ థ్రిల్లర్ గా విడుదలైన తుంబాడ్ మరోసారి ప్రేక్షకులని మంత్ర ముగ్దుల్ని చేస్తోంది.
ఈ చిత్రం సెప్టెంబర్ 13న హిందీ భాషలో రీ రిలీజ్ అవ్వగా, అనూహ్యమైన ఆదరణ పొందుతోంది.
మొదటిసారి విడుదలైనప్పుడు 12.30 కోట్ల వసూళ్లు సాధించిన ఈ చిత్రం, రీ రిలీజ్ లో రెట్టింపు కలెక్షన్లు దక్కించుకుంటోంది.
ఇప్పటివరకు 30 కోట్ల వరకు వసూలు చేసిందని ట్రేడ్ పండితులు అంచనా వేస్తున్నారు.
మల్టీప్లెక్స్ ఆడియన్స్ నుండి భారీ రెస్పాన్స్ రావడంతో పాటు, దసరా సెలవుల సీజన్ తో కలిపి ఈ చిత్రం 50 కోట్లను క్రాస్ చేయవచ్చని తెలుస్తోంది.
ముఖ్యంగా నార్త్ ఇండియన్ ప్రేక్షకులు ఇప్పుడు హర్రర్, థ్రిల్లర్ జోనర్ మూవీస్ పై ఎక్కువగా ఆసక్తి చూపుతుండటం విశేషం.
సోహమ్ షా ప్రధాన పాత్రలో నటించిన ఈ చిత్రానికి సీక్వెల్ ప్లాన్స్ కూడా ఉన్నట్లు దర్శకుడు రాహి అనిల్ బార్వే తెలిపారు.