టాలీవుడ్: జగపతి బాబు ప్రధాన పాత్రలో FCUK (ఫాదర్ – చిట్టి – ఉమా – కార్తీక్ ) సినిమా రూపొందుతున్న విషయం తెల్సిందే. ఈ సినిమా నుండి ఫాదర్ పాత్ర పోషిస్తున్న జగపతి బాబు లుక్ మరియు చిట్టి పాత్ర పోషిస్తున్న ఒక చిన్న పాప లుక్ ని ఇప్పటికే విడుదల చేసారు. ఇపుడు టైటిల్ లో మరొక పాత్ర పోషిస్తున్న ఉమా లుక్ ని విడుదల చేసారు మూవీ మేకర్స్. తమిళ్ లో ‘రాచసన్’, ‘అసురన్’ సినిమాల ద్వారా మంచి గుర్తింపు పొందిన అమ్మాయి ‘అమ్ము అభిరామి‘.
ఈ సినిమాలో ఈ అమ్మాయి ఉమా అనే టైటిల్ రోల్ లో నటిస్తుంది. ఈ రోజు ఈ ఉమా అనే కారెక్టర్ కి సంబందించిన ఫస్ట్ లుక్ ని విడుదల చేసారు. చేతిలో తెల్ల కోట్ పట్టుకొని, స్టెత్ పట్టుకొని ఈ సినిమాలో ఈ అమ్మాయి డాక్టర్ పాత్ర పొషిస్తున్నట్టు అర్ధం అవుతుంది.నాని నటించిన ‘అలా మొదలైంది’ లాంటి సినిమాని రూపొందించి సూపర్ హిట్ కొట్టిన నిర్మాణ సంస్థ ‘శ్రీ రంజిత్ మూవీస్’. ఈ బ్యానర్ పై ఈ సినిమాని రూపొందించారు. దాదాపు షూటింగ్ పూర్తి చేసుకుని 2021 జనవరి లో ఈ సినిమాని విడుదల చేయడానికి నిర్మాతలు ప్రయత్నిస్తున్నారు.