మూవీడెస్క్: దర్శకధీరుడు రాజమౌళి తన నెక్స్ట్ ప్రాజెక్ట్ SSMB29 కోసం సూపర్ స్టార్ మహేష్ బాబుతో జతకట్టనున్న విషయం తెలిసిందే.
‘SSMB29’ పేరిట నిర్మితమవుతున్న ఈ సినిమా ప్రీప్రొడక్షన్ పనులు ఇప్పుడే మొదలయ్యాయి.
స్క్రిప్ట్ వర్క్ పూర్తి చేసుకున్న రాజమౌళి, మహేష్ బాబుతో కలిసి ఈ ప్రాజెక్ట్ పై మరింత శ్రద్ధ పెట్టినట్లు సమాచారం.
మహేష్ బాబు కూడా ఈ ప్రాజెక్ట్ కోసం ప్రత్యేకంగా గెడ్డం, పొడవాటి జుట్టు లుక్కులో కనిపిస్తూ ఉన్నారు.
ఇదే లుక్ తో మహేష్ బాబును ప్రేక్షకులకు పరిచయం చేయబోతున్నారనే టాక్ ఫిల్మ్ సర్కిల్స్ లో వినిపిస్తోంది.
కెఎల్ నారాయణ భారీ బడ్జెట్ తో ఈ చిత్రాన్ని నిర్మిస్తున్నారు. ఇక ఇటీవల ఓ ఇంటర్వ్యూలో రాజమౌళి ఆసక్తికరమైన విషయాలను పంచుకున్నారు.
‘ఆర్ఆర్ఆర్’ లో యానిమల్స్ కు కీలక పాత్రలు ఉండగా, ఇక్కడ కూడా యానిమల్స్ కి మరింత ప్రాధాన్యత ఉంటుందని తెలిపారు.
దీంతో ఈ మూవీపై అభిమానుల్లో క్రేజ్ మరింతగా పెరిగింది.
ఇంతకుముందే రాజమౌళి ఈ సినిమా కథ అమెజాన్ అడవుల నేపథ్యంలో ఉంటుందని వెల్లడించారు.
వరల్డ్ అడ్వాంచర్ ట్రావెలర్ కథాంశంతో రూపొందుతున్న ఈ చిత్రంలో, అడవి జంతువులతో మహేష్ బాబుకి ఎలాంటి సన్నివేశాలు ఉంటాయా అని అందరిలోనూ ఆసక్తి నెలకొంది.
అదే సమయంలో విజువల్ ఎఫెక్ట్స్ పై కూడా రాజమౌళి ప్రత్యేకంగా దృష్టి సారించే అవకాశం ఉంది.
ఈ చిత్రం ప్రపంచవ్యాప్తంగా అత్యంత భారీగా విడుదల కావడంతోనే, ప్రతి ఫ్రేమ్ అద్భుతంగా ఉండేలా ప్లాన్ చేస్తున్నారని తెలుస్తోంది.