అమరావతి: కేసులు పెట్టకూడదంటూ వర్మ హైకోర్టులో వ్యాజ్యం
సినీ దర్శకుడు రామ్‌గోపాల్‌ వర్మ హైకోర్టును ఆశ్రయించారు. ముఖ్యమంత్రి చంద్రబాబు, డిప్యూటీ సీఎం పవన్‌ కల్యాణ్‌ తదితరులపై సామాజిక మాధ్యమాల్లో చేసిన పోస్టుల విషయంలో తనపై ఎలాంటి కేసులు నమోదు చేయకుండా హోంశాఖ ముఖ్య కార్యదర్శి, డీజీపీకి ఆదేశాలు ఇవ్వాలని వర్మ కోర్టును కోరారు.
ఈ పిటిషన్‌పై గురువారం హైకోర్టు న్యాయమూర్తి జస్టిస్‌ బీవీఎల్‌ఎన్‌ చక్రవర్తి విచారణ జరిపారు. ఈ కేసులో పోలీసుల తరఫున వాదనలు వినిపించాల్సిన ఏజీ దమ్మాలపాటి శ్రీనివాస్‌ తరఫున ఏపీ పబ్లిక్ ప్రాసిక్యూటర్‌ (ఏపీపీ) పాణిని సోమయాజి కోర్టును అభ్యర్థించారు.
ఏజీ వాదనలు వినిపించడానికి సమయం కావాలని పేర్కొన్న ఏపీపీ అభ్యర్థనను పరిగణలోకి తీసుకున్న న్యాయమూర్తి ఈ విచారణను డిసెంబరు 2కు వాయిదా వేశారు.
వర్మ పిటిషన్‌ ప్రకారం, తనపై పెట్టే కేసులు స్వేచ్ఛా హక్కులకు వ్యతిరేకమని, న్యాయసహాయంతో సమస్యను పరిష్కరించాలని కోరారు.
ఇటీవలి కాలంలో వర్మ చేసిన సామాజిక మాధ్యమాల వ్యాఖ్యలు వివాదాస్పదంగా మారిన విషయం తెలిసిందే. వర్మ, ప్రభుత్వ పెద్దలపై చేసిన పోస్టుల కారణంగా తనపై కేసులు పెట్టే అవకాశం ఉందని భావించి కోర్టు మెట్లు ఎక్కారు.
హైకోర్టు నిర్ణయం కోసం అన్ని వర్గాలు ఆసక్తిగా ఎదురు చూస్తున్నాయి.