తమిళనాడు: కోలీవుడ్ స్టార్ హీరో విజయ్ తన రాజకీయ పార్టీ “తమిళగ వెట్రి కలగం” (టీవీకే) స్థాపన చేసి, ఆదివారం విల్లుపురం జిల్లాలో జరిగిన తొలి మహానాడులో పార్టీ సిద్ధాంతాలు, భవిష్యత్తు లక్ష్యాలను ప్రకటించారు.
జనం తరఫున ప్రశ్నించే నాయకత్వం అందించడమే పార్టీ ప్రధాన ఉద్దేశమని విజయ్ స్పష్టం చేశారు. కేంద్రంలో బీజేపీ, రాష్ట్రంలో డీఎంకే నిరంకుశ పాలనగా మారాయని విమర్శించారు.
విజయ్ పార్టీ లక్ష్యాలు ప్రజాస్వామ్యానికి సంబంధించి ద్రవిడ, తమిళ జాతీయవాద స్ఫూర్తిని పునరుద్ధరించడమే. తండ్రి ఎన్టీఆర్, త‌మిళనాడులో ఎంజీఆర్ వంటి ప్రముఖ నటులు రాజకీయాల్లో రాణించి ప్రజాసేవకు మార్గదర్శకులుగా నిలిచిన సందర్భాలను విజయ్ ప్రస్తావించారు.
“నటుడు అయినందుకు విమర్శలు రావొచ్చు కానీ, ప్రజలకు సేవ చేయడానికి నటులు సరైనవారు అని చరిత్ర చెబుతోంది,” అన్నారు.
రాజకీయ అనుభవం లేకున్నా తనకున్న ధైర్యంతో 2026లో పూర్తిస్థాయి మెజారిటీతో అధికారంలోకి రావడమే తన లక్ష్యమని అన్నారు.
విజయ్ సిద్ధాంతాల్లో లౌకికత్వం, సామాజిక న్యాయ సాధనతో పాటు, అంబేడ్కర్, పెరియార్, కామరాజ్ ఆశయాల పరిరక్షణ ఉన్నాయి. మహిళలకు రాజకీయాల్లో కీలక పాత్రను అందించేందుకు విజయ్ తాపత్రయపడుతున్నట్లు తెలిపారు.