ఇళయదళపతి విజయ్ నటిస్తున్న జన నాయగన్ సినిమాపై భారీ అంచనాలే ఉన్నాయి. హెచ్ వినోద్ దర్శకత్వంలో, పూజా హెగ్డే కథానాయికగా నటిస్తున్న ఈ చిత్రం 2026 జనవరి 9న పొంగల్ కానుకగా విడుదల కాబోతోంది. ఇది విజయ్ చివరి సినిమా కావడంతో అభిమానుల ఆశలు అమాంతం పెరిగిపోయాయి.
అయితే విజయ్ స్టార్డమ్‌కి తగినట్లుగానే ఆ తేదీన ఇంకెవ్వరూ బరిలోకి రారని అందరూ భావించారు. కానీ ఇప్పుడు ఒక హైలైట్ పోటీ రూపంలో ఎదురవుతుందనిపిస్తోంది. యువ హీరో శివకార్తికేయన్ నటిస్తున్న పరాశక్తి కూడా అదే రోజున విడుదల కావచ్చని కోలీవుడ్ బజ్.
సుధ కొంగర దర్శకత్వంలో తెరకెక్కుతున్న ఈ చిత్రం శివకార్తికేయన్‌కు పూర్తిగా డిఫరెంట్ రోల్‌ను అందించనుంది. శ్రీలీల హీరోయిన్‌గా నటిస్తున్న ఈ సినిమాకూ మంచి హైప్ ఉంది. దీంతో విజయ్ – శివ కాంపిటీషన్ ఖాయం అనే సంకేతాలు కనిపిస్తున్నాయి.
ఇప్పటికి ఇది తమిళ సినీ రంగంలో 2026లో తొలిపెద్ద క్లాష్‌గా మారనుంది. ఇరు సినిమాలూ బిగ్ బడ్జెట్ ప్రాజెక్ట్స్ కావడంతో బాక్సాఫీస్ వద్ద దుమ్ముదులిపే పోటీ తప్పేలా కనిపించదు. మరి ఈ క్లాష్ చివరకు ఎలాంటి విషయాలను హైలెట్ చేస్తుందో చూడాలి.