బాలీవుడ్: క్యారెక్టర్ ఆర్టిస్ట్ గా తన ప్రయాణం ప్రారంభించి చిన్న చిన్న క్యారెక్టర్ లు చేసుకుంటూ ఎవడే సుబ్రహ్మణ్యం, పెళ్లి చూపులు ద్వారా మొదటి హిట్లు కొట్టి ఆ తర్వాత అర్జున్ రెడ్డి సినిమా ద్వారా సూపర్ బ్లాక్ బస్టర్ చేసి నేషనల్ వైడ్ గుర్తింపు తెచ్చుకున్న హీరో ‘విజయ్ దేవరకొండ’. లేటెస్ట్ యూత్ సెన్సేషన్ గా తన ప్రత్యేకత ని ప్రతీ స్టేజి లో చాటుకుంటున్నాడు ఈ టాలీవుడ్ హీరో. బాలీవుడ్ లో కూడా తన సత్తా చాటుకోవడానికి ప్రయత్నిస్తున్నాడు. ప్రస్తుతం పూరి జగన్నాథ్ మరియు కరణ్ జోహార్ తో కలిసి ‘ఫైటర్’ అనే పాన్ ఇండియా సినిమాలో నటిస్తున్నాడు.
ప్రస్తుతం ఈ హీరో ‘షఫుల్ 4 ‘అనే ఒక హిప్ హాప్ షో ని ప్రమోట్ చేస్తున్నాడు. సౌత్ లోనే కాకుండా నార్త్ లో కూడా విజయ్ కి ఫ్యాన్ బేస్ ఉన్నందున విజయ్ ని ఈ షో కి ప్రచార కర్తగా ఎంచుకున్నారు. ఇప్పటికే విజయ్ చాలా బ్రాండ్ లకి ప్రచార కర్తగా ఉండగా ఇది కూడా కొత్తగా చేరింది. ఇండియాలో పలు ముఖ్య పట్టణాల్లో జరుగబోతున్న ఈ డిజిటల్ షో కోసం విజయ్ దేవరకొండ ప్రచారం చేయడంతో పాటు షో లో కనిపించే అవకాశం కూడా ఉంది. ప్రస్తుతం చేస్తున్న ఫైటర్ తర్వాత శివ నిర్వాణ తో మరియు సుకుమార్ తో మరో సినిమా లైన్ లో పెట్టాడు విజయ్. ఇలా సినిమాలతో బిజీ గా ఉంటూ ఇలాంటి షో లకి ప్రచారం చేస్తూ విజయ్ తన క్రేజ్ ని ముందుకు తీసుకెళ్తున్నాడు.