మూవీడెస్క్: విశ్వంభర టీజర్! మెగాస్టార్ చిరంజీవి సెకండ్ ఇన్నింగ్స్ లో ఒక మంచి ప్రయాణాన్ని కొనసాగిస్తున్నప్పటికీ, కొన్ని సినిమాలు ప్రేక్షకులను అంతగా ఆకట్టుకోలేకపోయాయి.
చిరు ఫ్యాన్స్ ఇప్పుడు కొత్తదనం కోసం ఎదురుచూస్తున్నారు. రీమేక్ కథలతో కంటే, ప్రత్యేకమైన కాన్సెప్ట్ తో ఉన్న చిత్రాలపై వారి ఆసక్తి ఎక్కువగా ఉంది.
ఈ నేపథ్యంలోనే చిరంజీవి ప్రస్తుతం వశిష్ట మల్లిడి దర్శకత్వంలో ‘విశ్వంభర’ అనే ప్రాజెక్ట్ లో నటిస్తున్నారు.
విశ్వంభర చిత్రం సోషియో ఫాంటసీ జానర్ లో రూపొందుతున్న విషయం తెలిసిందే. ఈ సినిమా మెగాస్టార్ చిరంజీవికి పూర్తిగా కొత్తగా ఉండబోతుంది.
వశిష్ట మల్లిడి, గతంలో బింబిసార సినిమాతో మంచి గుర్తింపు తెచ్చుకున్న దర్శకుడు, ఈసారి చిరంజీవితో మర్చిపోలేని ఫాంటసీ కథని తెరపైకి తీసుకురాబోతున్నారని తెలుస్తోంది.
భారీ బడ్జెట్ తో నిర్మాణంలో ఉన్న ఈ సినిమాపై ఇప్పటికే భారీ అంచనాలు నెలకొన్నాయి. ఇక చిరంజీవి బర్త్‌డే సందర్భంగా వచ్చిన పోస్టర్ లు, కాన్సెప్ట్ వీడియో ఫ్యాన్స్ లో మంచి ఆసక్తిని రేపాయి.
దసరా సీజన్ లో ఈ సినిమా టీజర్ రిలీజ్ చేసి, ఇకపై ప్రమోషన్స్ ను వేగంగా మొదలు పెట్టాలని ప్లాన్ చేస్తున్నారు.
సంక్రాంతి కానుకగా 2025 జనవరి 10 విడుదల కానున్న ఈ చిత్రంలో చిరంజీవి కొత్త లుక్ తో మెప్పించబోతున్నారని తెలుస్తోంది.