మూవీడెస్క్: పుష్ప-2 షూటింగ్ చివరి దశలో ఉండగా, అల్లు అర్జున్ నెక్స్ట్ ప్రాజెక్ట్ ఏమిటనే ప్రశ్న అభిమానుల్లో ఆసక్తి రేపుతోంది.
పుష్ప-1 తో దేశవ్యాప్తంగా గుర్తింపు పొందిన ఆయన, ఇప్పుడు ఎలాంటి ప్రాజెక్ట్ చేపట్టబోతున్నారన్న దానిపై ఎన్నో ఊహాగానాలు వస్తున్నాయి.
కొంత కాలం పాటు అట్లీ దర్శకత్వంలో అల్లు అర్జున్ సినిమా ఉంటుందని ప్రచారం సాగింది. కానీ, ఈ ప్రాజెక్ట్ రెమ్యునరేషన్ విషయాల కారణంగా వర్కౌట్ కాలేదని సమాచారం.
అట్లీ మాత్రం అదే స్క్రిప్ట్ తో సల్మాన్ ఖాన్ కోసం ప్రాజెక్ట్ ప్లాన్ చేస్తున్నారని తెలుస్తోంది. ఇదిలా ఉంటే, జైలర్ దర్శకుడు నెల్సన్ తో కూడా బన్నీ చర్చలు జరిపినట్లు వార్తలు వినిపిస్తున్నాయి.
నెల్సన్ స్క్రిప్ట్ కు ఆయన ఆసక్తి చూపించినప్పటికీ, నెల్సన్ ప్రస్తుతం జైలర్-2 పనుల్లో ఉన్నాడు. దీంతో ఈ ప్రాజెక్ట్ కూడా ఆలస్యం అయ్యే సూచనలు కనిపిస్తున్నాయి.
అంతేకాకుండా, పుష్ప-3 ప్రాజెక్ట్ గురించి కూడా బన్నీ అభిమానుల్లో చర్చలు జరుగుతున్నాయి. కానీ, ఈ చిత్రం పుష్ప-2 విడుదల తర్వాత మాత్రమే ముందుకి వెళ్లే అవకాశం ఉందని తెలుస్తోంది.
ఇక ఇటీవల త్రివిక్రమ్ తో కూడా అల్లు అర్జున్ చర్చలు జరిగినట్లు టాలీవుడ్ వర్గాల్లో సమాచారం. పాన్ ఇండియా స్థాయిలో ఈ ప్రాజెక్ట్ ఉంటుందని, త్రివిక్రమ్ ఇప్పటికే స్టోరీ లైన్ చెప్పినట్లు టాక్ ఉంది.
త్వరలో ఇదే కాంబినేషన్ పై క్లారిటీ వచ్చే అవకాశం ఉన్నట్లు టాక్.