మూవీడెస్క్: ఎన్టీఆర్ ప్రధాన పాత్రలో నటించిన దేవర సినిమా బాక్సాఫీస్ వద్ద అంచనాలను మించి రికార్డు స్థాయి కలెక్షన్లు సాధిస్తూ దూసుకుపోతోంది.
మొదటి రోజు మిక్స్‌డ్ టాక్ వచ్చినప్పటికీ, ప్రేక్షకులు సినిమా కంటెంట్‌ను బాగా ఎంజాయ్ చేస్తూ వసూళ్ల వర్షం కురిపించారు.
16 రోజుల్లోనే ఈ చిత్రం ప్రపంచవ్యాప్తంగా రూ. 509 కోట్ల గ్రాస్ కలెక్షన్లు సాధించి మేకర్స్ అధికారికంగా ప్రకటించారు. ఈ విజయంతో ఎన్టీఆర్ ఫ్యాన్స్ పండుగ వాతావరణంలో ఉన్నారు.
‘దేవర’ మూవీ ఇప్పటికే రూ. 200 కోట్ల షేర్ క్లబ్‌లో చేరి, పాన్ ఇండియా స్థాయిలో సత్తా చాటింది.
గతంలో ‘బాహుబలి 1’ 194 కోట్ల షేర్ రికార్డును ‘దేవర’ అధిగమించింది. రాజమౌళి రికార్డులను మించి ఓ చిత్రానికి ఈ స్థాయి వసూళ్లు రావడం టాలీవుడ్‌లో గొప్ప ఘనతగా చెప్పుకోవాలి.
బాహుబలి సిరీస్ తర్వాత టాలీవుడ్‌లో పెద్ద హిట్‌గా నిలిచిన ఈ సినిమా, దసరా సెలవుల్లోనే బ్రేక్ ఈవెన్ అయ్యింది. రూ. 184 కోట్లను దాటేసి లాభాల్లోకి ప్రవేశించింది.
ఇప్పటికే లాంగ్ రన్‌లో ఈ సినిమాకి 57 కోట్ల ప్రాఫిట్ వచ్చిందని ట్రేడ్ విశ్లేషకులు అంచనా వేస్తున్నారు.