మూవీడెస్క్: మలయాళ స్టార్ హీరో దుల్కర్ సల్మాన్‌ కి తెలుగులో వచ్చిన భారీ హిట్‌ సినిమా ‘సీతారామం’.
ఈ సినిమా అన్ని భాషల్లో విడుదల కాగా, లాంగ్ రన్‌లో 98.1 కోట్ల కలెక్షన్స్ అందుకుంది.
కానీ, 100 కోట్ల క్లబ్‌లో చేరేందుకు కాస్త తక్కువే కలెక్షన్స్ వచ్చినట్టైంది. అన్ని భాషల్లో ఒకేసారి విడుదలై ఉంటే, ఆ మైలు రాయిని సులభంగా దాటేదని ఫిల్మ్ విశ్లేషకులు అభిప్రాయపడ్డారు.
‘సీతారామం’ తర్వాత దుల్కర్ తెలుగులో వెంకీ అట్లూరి దర్శకత్వంలో చేసిన ‘లక్కీ భాస్కర్’ కూడా మంచి విజయం సాధించింది.
ఈ సినిమా ఇప్పటి వరకు 74 కోట్ల వసూళ్లను రాబట్టింది.
కానీ, ఈ మూవీకి పోటీగా విడుదలైన శివ కార్తికేయన్‌ ‘అమరన్’ మరియు కిరణ్ అబ్బవరం ‘క’ సినిమాలకు కూడా పాజిటివ్ టాక్‌ రావడంతో, ‘లక్కీ భాస్కర్’ సెంచరీకి చేరే విషయంలో కొంత సందేహం ఉంది.
నవంబర్ 14న ‘కంగువా’ సినిమా విడుదల కానుండడంతో, ఈ మూడు సినిమాల కలెక్షన్స్‌కు బ్రేక్ పడే అవకాశం ఉంది.
అయినప్పటికీ, దుల్కర్ కెరీర్‌లో ‘లక్కీ భాస్కర్’ సెకండ్ హైయెస్ట్ కలెక్షన్ సినిమాగా నిలిచే అవకాశం ఉందని భావిస్తున్నారు.
తెలుగులో వరుస హిట్స్‌తో దుల్కర్ తన మార్కెట్‌ను బలపరిచాడు.