మూవీడెస్క్: ఆర్ఆర్ఆర్ తో దేశవ్యాప్తంగా పాపులారిటీ పెంచుకున్న రామ్ చరణ్ నుంచి రాబోతున్న గేమ్ చేంజర్ పై భారీ అంచనాలు ఉన్నాయి.
అయితే ‘బాహుబలి’ తర్వాత ప్రభాస్ పాన్ ఇండియా స్థాయిలో హవా చూపించినంతగా, ‘ఆర్ఆర్ఆర్’ తర్వాత తారక్ నటించిన దేవర నార్త్ బెల్ట్‌లో పెద్దగా ప్రభావం చూపలేదు.
దీంతో చరణ్ తాజా చిత్రం పరిస్థితి ఏమిటన్న ప్రశ్న అందరిలోనూ ఉంది.
ఇప్పటికే ‘ఆచార్య’ ఫలితం నిరాశ కలిగించడంతో చరణ్ అభిమానులు గేమ్ చేంజర్పై ఆశలు పెట్టుకున్నారు.
కానీ సినిమా షూటింగ్ ఆలస్యం కావడం, శంకర్ ఇండియన్ 2 ఫలితం ప్రతికూలత సృష్టించాయి.
పాన్ ఇండియా స్థాయిలో సక్సెస్ కావాలంటే ప్రి-రిలీజ్ బజ్ కీలకం. కానీ ప్రస్తుతం హిందీలో గేమ్ చేంజర్కు అనుకున్నంత హైప్ లేదు.
తెలుగు, తమిళ బెల్ట్‌లలో మంచి బజ్ ఉన్నప్పటికీ, హిందీ మార్కెట్‌లో ఆకర్షణ సాధించాలంటే కేజీఎఫ్, పుష్ప తరహా కథ ఉండాల్సి ఉంటుంది.
ట్రైలర్‌లో ఆశించినంత కొత్తదనం లేకపోవడంతో ప్రేక్షకుల్లో ఆసక్తి తక్కువగా కనిపిస్తోంది.
శంకర్ తన మాస్ కమర్షియల్ టచ్‌తో మేజిక్ క్రియేట్ చేస్తేనే ఈ సినిమా పాన్ ఇండియా విజయం సాధించగలదు.