మూవీడెస్క్: యంగ్ రెబల్ స్టార్ ప్రభాస్ ప్రస్తుతం దేశంలో అత్యధిక మార్కెట్ కలిగిన స్టార్‌గా కొనసాగుతున్నారు.
హిట్, ఫ్లాప్‌లతో సంబంధం లేకుండా తన మార్కెట్‌ను పెంచుకుంటున్న ప్రభాస్, భారీ బడ్జెట్ సినిమాలకు కేరాఫ్‌గా నిలుస్తున్నారు.
ప్రస్తుతం ఆయన చేతిలో నాలుగు సినిమాలు షూటింగ్ దశలో ఉండగా, మరో మూడు ప్రాజెక్ట్స్ చర్చల దశలో ఉన్నాయి.
ఇప్పుడిప్పుడే ప్రభాస్ ‘ది రాజాసాబ్’ అనే హారర్ కామెడీ చిత్రంలో నటిస్తున్నారు.
మారుతి దర్శకత్వంలో తెరకెక్కుతున్న ఈ సినిమా షూటింగ్ చివరిదశకు చేరుకుంది.
అయితే, తాజా సమాచారం ప్రకారం, ఈ మూవీ ఏప్రిల్ 10, 2025న విడుదల కావాలని ప్రకటించినప్పటికీ, ఆ డేట్‌కు సినిమా థియేటర్లలోకి రావడం అనుమానమేనని టాక్ వినిపిస్తోంది.
గతంలో ప్రభాస్ సినిమాల విడుదల తేదీలు వాయిదా పడటం సర్వసాధారణమైంది.
‘బాహుబలి,’ ‘సాహో,’ ‘ఆదిపురుష్,’ ‘సలార్’ వంటి సినిమాలు అన్ని ముందుగా ప్రకటించిన తేదీలకు రాలేదు.
తాజా చిత్రం ‘ది రాజాసాబ్’ విషయంలో కూడా ఇదే పరిస్థితి రిపీట్ అవుతుందని ఫ్యాన్స్ భయపడుతున్నారు.
ప్రభాస్ ఫ్యాన్స్, అయినా డార్లింగ్‌పై ఉన్న ప్రేమ మాత్రం ఎప్పటికీ తగ్గడం లేదు.
డైరెక్టర్ మారుతి మాత్రం ఏప్రిల్ 10న సినిమా విడుదల చేయడానికి ప్రయత్నాలు చేస్తున్నారు.
అయితే, అదే రోజున యష్ నటించిన ‘టాక్సిక్’ కూడా విడుదలకు సిద్ధమవుతోంది.
మరి ప్రభాస్ సినిమా నిజంగా చెప్పిన తేదీకి వస్తుందా లేదా అన్నది చూడాలి!