మూవీడెస్క్: టాలీవుడ్‌ ఐకాన్‌ స్టార్‌ అల్లు అర్జున్‌ హీరోగా, సుకుమార్‌ దర్శకత్వంలో వస్తున్న పాన్‌ ఇండియా చిత్రం పుష్ప 2 (PUSHPA 2) పై అంచనాలు రోజురోజుకూ పెరుగుతూనే ఉన్నాయి.
ఇప్పటివరకు ప్రతి సీన్‌ పర్ఫెక్ట్‌గా ఉండేలా సుకుమార్‌ పక్కాగా ప్లాన్‌ చేసినట్లు సమాచారం.
కొన్ని సీన్స్‌ రీషూట్‌ చేసి, ఫైనల్‌ కట్‌ విషయంలో మరింత జాగ్రత్త తీసుకున్నారట.
ఇటీవల మేకర్స్‌ విడుదల చేసిన వీడియోలో సుకుమార్‌ ఫుటేజ్‌ను పరిశీలిస్తూ కనిపించడం, ఆయన సినిమాపై ఉన్న డెడికేషన్‌ స్పష్టంగా చూపించింది.
పుష్ప 2 విడుదలకు ముందే రూ.1000 కోట్ల క్లబ్‌లో చేరుతుందన్న ఊహాగానాలు వినిపిస్తున్నాయి.
ఇప్పటివరకు టాలీవుడ్‌లో ఈ అరుదైన ఫీట్‌ను రాజమౌళి (బాహుబలి 2, ఆర్ఆర్ఆర్) మరియు నాగ్‌ అశ్విన్‌ (కల్కి 2898 ఏడి) మాత్రమే సాధించారు.
సుకుమార్‌ ఈ క్లబ్‌లో చేరాలంటే, నార్త్‌ ఆడియెన్స్‌ దగ్గర క్రేజ్‌ కీలకంగా మారనుంది.
పుష్ప 2 ట్రైలర్‌ విడుదల తర్వాత సినిమా పై ఉన్న హైప్‌ మరింత పెరిగింది.
మొదటి భాగం నార్త్‌ ఇండియాలో అనూహ్య విజయాన్ని సాధించడంతో, సీక్వెల్‌ వసూళ్ల పరంగా చరిత్ర సృష్టించబోతుందనే నమ్మకం ఉంది.
పాజిటివ్‌ మౌత్‌ టాక్‌ వస్తే, సినిమా ఆగదనే విశ్వాసం ట్రేడ్‌ పండితులలో నెలకొంది.
మరోవైపు, సుకుమార్‌ కృషి చూస్తుంటే ఆయనకు 1000 కోట్ల కల నిజమవడం ఖాయమనిపిస్తోంది.
ఈ సినిమా కోసం ఆయన రెండేళ్లుగా పని చేస్తూ, భారీ హిట్‌ కొట్టాలని పట్టుదలగా ఉన్నారు. మరి ఈ చిత్రం ఆ రేంజ్ లో హిట్టవుతుందో లేదో చూడాలి.