జాతీయం: లద్దాఖ్‌లో భారత్-చైనా బలగాల ఉపసంహరణ పూర్తి
లద్దాఖ్‌లోని దెప్సాంగ్, డెమ్‌చోక్ ప్రాంతాల్లో నాలుగేళ్లుగా కొనసాగిన ఉద్రిక్తతకు ముగింపు పలుకుతూ భారత్-చైనా బలగాల ఉపసంహరణ బుధవారం పూర్తయింది. భారత-చైనా సైనిక వర్గాలు దీని ప్రకటన చేస్తూ, దీపావళి పండుగ సందర్భంగా సరిహద్దు సమీపంలోని సమావేశాల పాయింట్ల వద్ద ఇరు దేశాల సైనికులు పరస్పరం మిఠాయిలను పంచుకోనున్నారు. ఇరుదేశాల మధ్య సాధారణ పెట్రోలింగ్ త్వరలోనే పునఃప్రారంభం కానుంది.
ఉపసంహరణ ప్రక్రియ పూర్తి – శాంతికి మార్గం
అక్టోబర్ 25న ప్రారంభమైన బలగాల ఉపసంహరణ ప్రక్రియ బుధవారం ముగిసింది. పెట్రోలింగ్ విధి, విధానాలపై క్షేత్రస్థాయి చర్చలు కొనసాగుతున్నాయని, ఆ నిర్ణయాలను భారత రక్షణ శాఖ తెలిపింది. చైనా రాయబారి షు ఫీహాంగ్ మాట్లాడుతూ, “ఈ ఒప్పందం ఇరుదేశాల బంధాన్ని బలోపేతం చేసే మార్గదర్శకంగా నిలుస్తుందని” తెలిపారు. భవిష్యత్తులో ఒకరి అభిప్రాయాలు తెలుసుకుని, సజావుగా ముందుకు సాగాలని చైనా ఆశాభావం వ్యక్తం చేసింది.
విమాన రాకపోకల పునఃప్రారంభంపై చైనా ఆసక్తి
భారత్-చైనా మధ్య 2020కి ముందు ఉన్న నేరుగా విమాన రాకపోకలు సౌకర్యవంతంగా ఉన్నాయని, వాటి పునఃప్రారంభం ద్వారా ప్రజలకు అనేక ప్రయోజనాలు కలుగుతాయని రాయబారి షు ఫీహాంగ్ అభిప్రాయపడ్డారు.
గల్వాన్ ఘర్షణ అనంతర పరిణామాలు
2020 జూన్‌లో గల్వాన్ లోయలో చోటుచేసుకున్న ఘర్షణతో ఇరు దేశాల సంబంధాలు తీవ్రంగా దెబ్బతిన్నాయి. ఈ ఘర్షణ కారణంగా భారత్-చైనా మధ్య ఉద్రిక్త పరిస్థితులు నెలకొన్నాయి. అనంతరం దౌత్య, కమాండర్ స్థాయి చర్చల ద్వారా వివిధ మార్పిడులను చేసేందుకు ఇరు దేశాలు చర్యలు తీసుకున్నాయి. అయితే, దెప్సాంగ్, డెమ్‌చోక్ ప్రాంతాల్లో మాత్రం బలగాల ఉపసంహరణ ప్రక్రియ పూర్తి కావడంతో పునరుద్ధరించడానికి మార్గం సిద్ధమైంది.