ఏపీ: వైసీపీ అధినేత, ఆంధ్రప్రదేశ్ మాజీ ముఖ్యమంత్రి వైఎస్ జగన్ మోహన్ రెడ్డి ప్రస్తుతం లండన్ పర్యటనలో ఉన్నారు. తన పెద్ద కుమార్తె గ్రాడ్యుయేషన్ కార్యక్రమంలో పాల్గొనడానికి జగన్ కుటుంబంతో కలిసి లండన్ వెళ్లారు.
గ్రాడ్యుయేషన్ వేడుకలు పూర్తయ్యాక కుటుంబ సమయాన్ని ఆస్వాదిస్తూ ఉన్న జగన్‌కు సంబంధించిన వీడియోలు ప్రస్తుతం సోషల్ మీడియాలో వైరల్‌గా మారాయి.
ఓ వీడియోలో, జగన్ తన భార్య భారతీ రెడ్డి, కుమార్తెలతో కలిసి లండన్‌లోని ఓ షాపింగ్ మాల్‌లో కనిపించారు. భారతీ రెడ్డి ఏదో కొనుగోలు చేస్తుండగా, జగన్ ఆసక్తిగా ఆమెను తిలకిస్తూ కనిపించారు.
మరో వీడియోలో, లండన్ వీధుల్లో నిలుచున్న జగన్, తన కుటుంబాన్ని సమీపంలోకి రావాలని పిలుస్తూ కనిపించారు. వీరితో ఉన్న సమయంలో జగన్ సాధారణంగా నడుస్తూ, మామూలు వ్యక్తిలా కనిపించారు.
లండన్ పర్యటనకు కోర్టు అనుమతితో వెళ్లిన జగన్, తన కుమార్తె విజయాన్ని ప్రశంసిస్తూ గ్రాడ్యుయేషన్ అనంతరం గ్రూప్ ఫోటోను పంచుకున్నారు.
‘‘నీ కృషితో గర్వకారణంగా నిలిచావు’’ అంటూ చేసిన ఈ పోస్ట్ కూడా వైసీపీ అభిమానులను ఆకట్టుకుంది. ప్రస్తుతం జగన్ వీధుల్లో కనిపించిన వీడియోలు, ఆయన స్టైలిష్ ప్రదర్శనపై అభిమానులు ఆసక్తికర వ్యాఖ్యలు చేస్తున్నారు.